മലപ്പുറം : മലയാളി വിദ്യാര്ത്ഥി കര്ണാടകയില് വാഹനാപകടത്തില് മരിച്ചു. മലപ്പുറം എടപ്പറ്റ പാതിരിക്കോട് സ്വദേശിയായ വൈഷ്ണവ് (17) ആണ് മരിച്ചത്. ബംഗളൂരുവില് നിന്ന് മംഗലാപുരത്തുളള വീട്ടിലേക്ക് വരുന്നതിനിടെ വൈഷ്ണവ് സഞ്ചരിച്ച കാര് നിയന്ത്രണം വിട്ട് മരത്തിലിടിച്ച് മറിയുകയായിരുന്നു. ഉഡുപ്പിയിലെ കര്ക്കളയില് രാവിലെയാണ് അപകടം. പ്ലസ് വണ് വിദ്യാര്ത്ഥിയാണ് വൈഷ്ണവ്. വൈഷ്ണവിന്റെ കൂടെയുണ്ടായിരുന്ന അഞ്ചു പേര് പരുക്കുകളോടെ ആശുപത്രിയില് ചികിത്സയിലാണ്. പിതാവ് സഹദേവന്, മാതാവ് മാലതി, സഹോദരങ്ങള് : വൈശാഖ്, വൈഭവ് (നഴ്സിങ് വിദ്യാര്ഥി, മംഗളൂരു) എന്നിവരാണ്. മൃതദേഹം നാട്ടിലെത്തിച്ച് സംസ്കരിക്കുമെന്ന് ബന്ധുക്കള് അറിയിച്ചു.
