ഈരാറ്റുപേട്ട: കാഞ്ഞിരപ്പള്ളി റൂട്ടില് സ്വകാര്യ ബസുകളുടെ മത്സരയോട്ടത്തിനിടെ ബസിനുള്ളില് മറിഞ്ഞുവീണ് രണ്ട് വിദ്യാര്ഥികള്ക്ക് പരിക്കേറ്റു. അരുവിത്തുറ പള്ളിക്ക് സമീപമാണ് ബസ് ഓവര്ടേക്ക് ചെയ്യുന്നതിനിടെ സഡന് ബ്രേക്കിട്ടതിനെ തുടര്ന്നാണ് വിദ്യാര്ഥിനികള് മറിഞ്ഞുവീണത്.
അരുവിത്തുറ സെന്റ് ജോര്ജ് കോളജ് ഡിഗ്രി വിദ്യാര്ഥികളായ കാഞ്ഞിരപ്പള്ളി സ്വദേശിനി അഫ്സാന അന്ഷാദ്, ജീന മേരി എന്നിവര്ക്കാണ് പരിക്കേറ്റത്. ഒരേ പേരിലുള്ള ബസുകള് തമ്മിലുള്ള മത്സരയോട്ടമാണ് അപകടത്തിനിടയാക്കിയത്.
പരിക്കുപറ്റിയ വിദ്യാര്ഥികളെ ഈരാറ്റുപേട്ട പി.എം.സി ആശുപത്രിയില് എത്തിച്ച് നടത്തിയ പരിശോധനയില് ജീനയുടെ കൈക്ക് പൊട്ടലുള്ളതായി കണ്ടെത്തി. അഞ്ചുമിനിറ്റ് വ്യത്യാസത്തില് ഈ റൂട്ടില് സര്വിസ് നടത്തുന്നവയാണ് ഈ ബസുകള്. സ്വകാര്യ ബസുകളുടെ കുത്തകയായ റൂട്ടില് ബസുകളുടെ മത്സരയോട്ടവും അപകടങ്ങളും നിത്യസംഭവമാണെന്ന് നാട്ടുകാര് പറയുന്നു.
