അമരാവതി : ആന്ധ്രയില്‍ വിവാഹാഭ്യര്‍ഥന നിരസിച്ചതിന് വിദ്യാര്‍ഥിനിയെ കുത്തിക്കൊലപ്പെടുത്തിയ യുവാവിന് വധശിക്ഷ. 22 കാരിയായ വിദ്യാര്‍ഥിനിയെയാണ് കൊലപ്പെടുത്തിയത്. ഗുണ്ടൂരിലെ ഫാസ്റ്റ് ട്രാക്ക് കോടതിയാണ് ശിക്ഷ വിധിച്ചത്. ഗുണ്ടൂരിലെ മോട്ടോര്‍ മെക്കാനിക്കായ ശശി കൃഷ്ണക്കാണ് കോടതി വധശിക്ഷ വിധിച്ചത്. എട്ട് മാസങ്ങള്‍ക്ക് മുമ്പാണ് ബി ടെക് വിദ്യാര്‍ഥിനിയായ രമ്യയെ ഗുണ്ടൂരില്‍ നടുറോഡില്‍വെച്ച്‌ ശശി കൃഷ്ണ കുത്തിക്കൊലപ്പെടുത്തിയത്. സിസിടിവി ദൃശ്യങ്ങളുടെ അടിസ്ഥാനത്തിലായിരുന്നു അറസ്റ്റ്. 36 സാക്ഷികളെ കേസില്‍ വിസ്തരിച്ചു. ഒരാഴ്ചക്കകം കേസില്‍ ചാര്‍ജ് ഷീറ്റ് ഫയല്‍ ചെയ്തിരുന്നു. ഡിഎസ്പി രവികുമാറിന്റെ നേതൃത്വത്തിലുള്ള പോലീസ് സംഘമാണ് കേസ് അന്വേഷിച്ചത്.
