വാടക തന്നില്ലെങ്കില്‍ പഠന സാമ​ഗ്രികള്‍ കൂട്ടിയിട്ട് നശിപ്പിക്കുമെന്ന് വീട്ടുടമയുടെ ഭീഷണി ; വിദ്യാര്‍ത്ഥികള്‍ മുഖ്യമന്ത്രിമാര്‍ക്ക് പരാതി നല്‍കി

ഡല്‍ഹി : ഡല്‍ഹി സര്‍വ്വകലാശാലയില്‍ പഠിക്കുന്ന മലയാളി വിദ്യാര്‍ത്ഥികളെ വീട്ടുടമകള്‍ നിരന്തരം ഭീഷണിപ്പെടുത്തുന്നതായി പരാതി. കൊറോണ കാരണം നാട്ടിലേക്ക് ജീവഭയം കൊണ്ട് മടങ്ങിയ വിദ്യാര്‍ഥികളെ നിരന്തരം ഫോണില്‍ വിളിച്ചാണ് വീട്ടുടമസ്ഥര്‍ ഭീഷണി ഉയര്‍ത്തുന്നത്. തരാനുള്ള വീട്ടുവാടക എത്രയും വേ​ഗം തന്നില്ലെങ്കില്‍ പഠന സാമ​ഗ്രികള്‍ കൂട്ടിയിട്ട് നശിപ്പിക്കുമെന്ന ഭീഷണിയാണിവര്‍ മുഴക്കുന്നതെന്നും വിദ്യാര്‍ഥികള്‍ വ്യക്തമാക്കി. അല്‍പ്പമെങ്കിലും സാവകാശം നല്‍കണമെന്നുള്ള അഭ്യര്‍ഥനകള്‍ ഇവരാരും ചെവിക്കൊള്ളുന്നില്ലെന്നും അതിനാല്‍ കേരള മുഖ്യമന്ത്രിക്കും ഡല്‍ഹി മുഖ്യമന്ത്രിക്കും പരാതി നല്‍കിയെന്ന് വിദ്യാര്‍ഥി സംഘടനകള്‍ വ്യക്തമാക്കി.