പത്തനംതിട്ട: ഇന്ത്യക്കാരെ സ്വപ്നം കാണുവാന് പഠിപ്പിച്ച ഡോ. എ.പി.ജെ. അബ്ദുള്കലാം ആസാദിന്റെ ചിന്തകളായിരിക്കണം ഉന്നത വിജയം കരസ്ഥമാക്കിയ വിദ്യാര്ത്ഥികള് പിന്തുടരേണ്ടതെന്ന് ചാണ്ടി ഉമ്മന് എം.എല്.എ പ്രസ്താവിച്ചു. യൂത്ത് കോണ്ഗ്രസ് വള്ളിക്കോട് മണ്ഡലം കമ്മിറ്റിയുടെ നേതൃത്വത്തില് സംഘടിപ്പിച്ച ഉമ്മന്ചാണ്ടി മെമ്മോറിയല് മെറിറ്റ് അവാര്ഡ് വിതരണം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. ശാസ്ത്ര സാങ്കേതിക മേഖലയിലെ വിജ്ഞാനം ഉള്ക്കൊള്ളാതെ മതവിശ്വാസവും അന്ധവിശ്വാസവും പ്രചരിപ്പിക്കുകയും പാഠ്യവിഷയമാക്കണമെന്നും ആവശ്യപ്പെടുന്നവര് ആധുനിക സമൂഹത്തിന്റെ രൂപീകരണത്തെ തകര്ക്കുന്ന നിലപാടാണ് സ്വീകരിക്കുന്നതെന്നും അദ്ദേഹം കുറ്റപ്പെടുത്തി.
യൂത്ത് കോണ്ഗ്രസ് വള്ളിക്കോട് മണ്ഡലം പ്രസിഡന്റ് അലന് ജേക്കബ് തോമസിന്റെ അദ്ധ്യക്ഷതയില് കൂടിയ യോഗത്തില് റോബിന് പീറ്റര്, സജി കൊട്ടയ്ക്കാട്, വെട്ടൂര് ജ്യോതിപ്രസാദ്, അലന് ജിയോ മൈക്കിള്, എലിസബത്ത് അബു, എസ്.വി. പ്രസന്നകുമാര്, പ്രൊഫ. ജി. ജോണ്, ടി.എസ്. തോമസ്, കേണല് ഉണ്ണികൃഷ്ണന് നായര്, ക്രിസ്റ്റോ അനില് കോശി, ആരോണ്, സി. യേശുദാസന്, കോശിക്കുഞ്ഞ് അയ്യനേത്ത്, പത്മ ബാലന്, തോമസ് തോളൂര് എന്നിവര് പ്രസംഗിച്ചു.
