ന്യൂഡല്‍ഹി : ജോലിയെ ചൊല്ലി ഭാര്യയുമായുള്ള വാക്കുതര്‍ക്കത്തിനിടെ ഓടിക്കൊണ്ടിരിക്കുന്ന കാറിനുള്ളില്‍ നിന്നും യുവാവ് സ്വയം വെടിയുതിര്‍ത്ത് ജീവനൊടുക്കാന്‍ ശ്രമിച്ചു. ഭര്‍ത്താവിന്റെ തല തുളച്ച്‌ കയറിയ വെടിയുണ്ട ഗര്‍ഭിണിയായ ഭാര്യയുടെ കഴുത്തില്‍ തറച്ചു. ഏഴ് മാസം ഗര്‍ഭിണിയായ ഭാര്യയെ ചെക്കപ്പിനായി കാറില്‍ ആശുപത്രിയിലേക്ക് കൊണ്ടുപോവകെയാണ് സംഭവം . രണ്ട് മാസത്തോളമായി യുവാവിന് ജോലി ഇല്ലായിരുന്നു. ഇതേത്തുടര്‍ന്നുള്ള തര്‍ക്കത്തിനിടെയാണ് ഇയാള്‍ സ്വയം വെടിയുതിര്‍ത്തത്.
ഗുരുതര പരുക്കേറ്റ 34 കാരനായ യുവാവിനെയും ഭാര്യയെയും ഡല്‍ഹിയിലെ സഫ്ദാര്‍ജംഗ് ആശുപത്രിയില്‍ പ്രവേശിപ്പി ച്ചിരിക്കുകയാണ്. ഭാര്യ അപകട നില തരണം ചെയ്തിട്ടുണ്ട്.യുവാവ് അത്യാസന്ന നിലയിലാണ്. ഭര്‍ത്താവിന് ജോലിയുണ്ടായിരുന്നില്ല. വെടിയേറ്റ് ബുള്ളറ്റ് യുവാവിന്റെ ചെവിയിലൂടെ തുളച്ചുകയറി മറുവശത്തുകൂടി പുറത്തിറങ്ങി ഭാര്യയുടെ കഴുത്തില്‍ തറക്കുകയായിരുന്നു.
