വിഴിഞ്ഞം : പോക്സോ കേസിലെ സാക്ഷിയെ ഭീക്ഷണിപ്പെടുത്തിയതിന് അറസ്റ്റിലായ പ്രതി സ്റ്റേഷനില് ആത്മഹത്യാശ്രമം നടത്തി. പയറ്റുവിള സ്വദേശി പ്രശാന്താണ് സെല്ലിനുള്ളില് ആത്മഹത്യയ്ക്ക് ശ്രമിച്ചത്. വര്ഷങ്ങള്ക്ക് മുമ്പ് നടന്ന കേസ് പിന്വലിക്കണമെന്നാവശ്യപ്പെട്ട് കുട്ടിയുടെ മാതാവിനെ ഭീഷണിപ്പെടുത്തിയതിനാണ് പ്രശാന്തിനെ അറസ്റ്റുചെയ്തത്.
സ്റ്റേഷനിലെത്തിയ പ്രതി അസ്വസ്ഥതയുണ്ടെന്നും കിടക്കാന് സെല് തുറന്നുനല്കണമെന്ന് ആവശ്യപ്പെട്ടതായും പോലീസ് പറഞ്ഞു. സെല്ലിനുള്ളില് പ്രതി മാലയുടെ ചരട് ഉപയോഗിച്ച് കഴുത്തില് മുറുക്കി ആത്മഹത്യയ്ക്ക് ശ്രമിക്കുകയായിരുന്നു. അവശനായ പ്രതിയെ പോലീസ് ഉടന് മെഡിക്കല് കോളേജ് ആശുപത്രിയിലെത്തിച്ചു. കഴുത്തില് മുറിവേറ്റ പ്രശാന്ത് ആശുപത്രിയിലെ സെല്ലില് നിരീക്ഷണത്തിലാണിപ്പോള്
