കോതമംഗലo : ശമ്പളവും മറ്റ് ആനുകൂല്യങ്ങളും നല്കാതെ ജോലിയില് നിന്ന് പിരിച്ചുവിട്ടതിനെ തുടര്ന്ന് യുവാവ് ആത്മഹത്യ ചെയ്തു. കുറ്റിലഞ്ഞി പാറക്കല് അനൂപ് (44) ആണ് കോതമംഗലത്തെ സ്വകാര്യ ലോഡ്ജില് ജീവനൊടുക്കിയത്. സ്വകാര്യ ഇലക്ട്രോണിക്സ് വ്യാപാര സ്ഥാപനത്തിലെ ജീവനക്കാരനാണ് അനൂപ്. പാലക്കാട്ടേക്ക് പോകുന്നു എന്ന് പറഞ്ഞാണ് അനൂപ് തിങ്കളാഴ്ച്ച വീട്ടില്നിന്ന് ഇറങ്ങിയത്. എന്നാല് കോതമംഗലത്തെത്തി അനൂപ് സ്വകാര്യ ലോഡ്ജില് മുറിയെടുക്കുകയായിരുന്നു.
ശമ്പളവും ആനൂകൂല്യങ്ങളും ലഭിച്ചില്ലെങ്കില് ആത്മഹത്യ ചെയ്യുമെന്നറിയിച്ച് ലോഡ്ജിലെ ചിത്രങ്ങള് കമ്പനി അധികൃതര്ക്ക് അയച്ച ശേഷമാണ് ജീവനൊടുക്കിയത്. ബുധനാഴ്ച്ച കോതമംഗലം താലൂക്ക് ആശുപത്രിയിലെ പോസ്റ്റുമോര്ട്ടത്തിന് ശേഷം വീട്ടുവളപ്പില്. സംസ്ക്കാരം നടത്തുമെന്ന് ബന്ധുക്കള് പറഞ്ഞു. പിതാവ്: പാറക്കല് രവീന്ദ്രനാഥ്. മാതാവ്: ഗീത. ഭാര്യ: സരിത (കുറ്റിലഞ്ഞി എം.ഇ.എസ് സ്ക്കൂള് അധ്യപിക) മക്കള്: അശ്വിന്, ദേവിക.
