ആലപ്പുഴ: ഭാര്യയും ബന്ധുക്കളും തന്നെ ചതിക്കുകയാണെന്ന് ഫേസ്ബുക്കില് വീഡിയോ പോസ്റ്റ് ചെയ്തതിന് പിന്നാലെ പ്രവാസി യുവാവ് ജീവനൊടുക്കിയ സംഭവത്തില് അന്വേഷണം തുടരുകയാണെന്ന് പോലീസ്. യുവാവിന്റെ വീഡിയോയിലെ വാസ്തവത്തെക്കുറിച്ച് അന്വേഷിച്ചുവരികയാണെന്നും കേസില് ബന്ധുക്കളുടെ മൊഴി രേഖപ്പെടുത്തിയിട്ടുണ്ടെന്നും കായംകുളം പോലീസ് വ്യക്തമാക്കി. ന്യൂസിലാന്ഡില് ജോലി ചെയ്തിരുന്ന കറ്റാനം കണ്ണനാകുഴി ക്രിസ്തുരാജ് ഭവനത്തില് ബൈജുരാജു (40) വിനെ കഴിഞ്ഞദിവസമാണ് കായംകുളത്തെ ലോഡ്ജില് ആത്മഹത്യചെയ്ത നിലയില് കണ്ടെത്തിയത്.
ഭാര്യയ്ക്കും ബന്ധുക്കള്ക്കും എതിരെ നിരവധി ആരോപണങ്ങള് ഉന്നയിച്ചുകൊണ്ടാണ് യുവാവ് ആത്മഹത്യ ചെയ്തത്. താന് ആത്മഹത്യയുടെ വക്കിലാണെന്ന് കരഞ്ഞുപറഞ്ഞുകൊണ്ട് ഇയാള് ഒരു വീഡിയോയും സമുഹമാധ്യമങ്ങളിലൂടെ പുറത്തു വിട്ടിരുന്നു. തുടര്ന്ന് ഇദ്ദേഹത്തെ സ്വകാര്യ ലോഡ്ജില് ജീവനൊടുക്കിയ നിലയില് കണ്ടെത്തുകയായിരുന്നു. മരണത്തിന് മുന്പ് ഭാര്യയുടെ മറ്റൊരാളുമായുള്ള ബന്ധത്തെ സംബന്ധിച്ച് ഒരു വര്ഷം മുന്പ് ചിത്രീകരിച്ച വീഡിയോയും ബൈജു പുറത്തു വിട്ടിരുന്നു. ആ ബന്ധം അറിഞ്ഞ ബൈജു അത് ഭാര്യയോട് ചോദിച്ചറിയുന്ന വീഡിയോ ചിത്രീകരിക്കുകയായിരുന്നു.