പത്തനംതിട്ട : ജില്ലാ സ്പോർട്സ് കൗൺസിലിന്റെ നേതൃത്വത്തിൽ ജില്ലാ സ്റ്റേഡിയത്തിൽ നടത്തിവന്നിരുന്ന സമ്മർ കോച്ചിംഗ് ക്യാമ്പ് സമാപിച്ചു. തുടർന്ന് കൊച്ചീപ്പൻ മാപ്പിള ഹാളിൽ നടന്ന സമാപനയോഗവും സർട്ടിഫിക്കറ്റ് വിതരണവും പ്രശസ്ത ഗാനരചയിതാവ് ചലച്ചിത്ര പിന്നണിഗായകൻ അലക്സ് കെ പോൾ ഉദ്ഘാടനം നിർവഹിച്ചു. യോഗത്തിൽ ജില്ലാ സ്പോർട്സ് കൗൺസിൽ പ്രസിഡണ്ട് കെ.അനിൽ കുമാർ അധ്യക്ഷത വഹിച്ചു. ജില്ലാ സ്പോർട്സ് കൗൺസിൽ സെക്രട്ടറി രാജേന്ദ്രൻ നായർ.എസ് സ്വാഗതം പറഞ്ഞു. പി.ആർ ഗിരീഷ്, സുമേഷ് സുകുമാര പണിക്കർ ക്യാമ്പ് പരിശീലകരായ റോസമ്മ മാത്യു, നിഖില.റ്റി, അഖില അനിൽ, ലിബീഷ് ബേബി എന്നിവർ ആശംസകൾ അറിയിച്ചു തുടർന്ന് നടന്ന സമാപന യോഗത്തിൽ ക്യാമ്പ് കോ ഓർഡിനേറ്റർ തങ്കച്ചൻ പി ജോസഫ് നന്ദി രേഖപെടുത്തി.
