പെരുനാട്: ഇന്നലെ പെയ്ത ശക്തമായ വേനൽ മഴയിലും കാറ്റിലും പെരുനാട്, അത്തിക്കയം മേഖലകളിൽ വ്യാപക നാശനഷ്ടം. കാറ്റിൽ മരങ്ങൾ കടപുഴകി വീണും വൈദ്യുതി തൂണുകൾ ഒടിഞ്ഞും വലിയ തോതിലുള്ള നാശനഷ്ടങ്ങളാണ് ഉണ്ടായത്. വിവിധ ഇടങ്ങളിലായി പതിനഞ്ചോളം വൈദ്യുതി തൂണുകൾ തകർന്നു വീണു. ശനിയാഴ്ച രാത്രി മുതൽ മേഖല പൂർണ്ണമായും ഇരുട്ടിലായിരുന്നു. വൈദ്യുതി ലൈനുകളിലേക്ക് മരങ്ങൾ വീണതും തൂണുകൾ ഒടിഞ്ഞതുമാണ് വൈദ്യുതി തടസ്സപ്പെടാൻ കാരണമായത്. കെ.എസ്.ഇ.ബി ജീവനക്കാരുടെ നേതൃത്വത്തിൽ യുദ്ധകാലാടിസ്ഥാനത്തിൽ നടന്ന അറ്റകുറ്റപ്പണികൾക്കൊടുവിൽ ഇന്നു വൈകിട്ടോടെയാണ് മിക്കയിടങ്ങളിലും വൈദ്യുതി ബന്ധം പുനഃസ്ഥാപിക്കാനായത്. ഗതാഗത തടസ്സമുണ്ടായ സ്ഥലങ്ങളിൽ നാട്ടുകാരും അധികൃതരും ചേർന്ന് മരങ്ങൾ നീക്കം ചെയ്തു. കാറ്റിൽ വ്യാപക കൃഷി നാശവും ഉണ്ടായിട്ടുണ്ട്. ഇന്നും മേഖലയിൽ ശക്തമായ മഴ പെയ്തു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
