തിരുവനന്തപുരം : ഗുണ്ടാ ബന്ധത്തിന്റെ അടിസ്ഥാനത്തില് പോത്തോന്കോട് പോലീസ് സ്റ്റേഷനിലെ സിവില് പോലീസ് ഓഫീസര്ക്ക് സസ്പെഷന്. സിവില് പോലീസ് ഓഫീസര് ജീഹാനെയാണ് സസ്പെന്റ് ചെയ്തത്. മണ്ണുമാഫിയ വാടക്കെടുത്ത മുറിയില് വെച്ച് ഗുണ്ടയായ കുട്ടനുമായി പോലീസുകാരന് യൂണിഫോണില് മദ്യപിക്കുന്ന ചിത്രം ഉന്നത പോലീസ് ഉദ്യോഗസ്ഥര്ക്ക് ലഭിച്ചിരുന്നു.
ഇതിന്റെ അടിസ്ഥാനത്തില് ഡിഐജി നിശാന്തിനി നടത്തിയ അന്വേഷണത്തിലാണ് പോലീസുകാരന്റെ ഗുണ്ടാ ബന്ധം സ്ഥിരീകരിച്ചത്. മെന്റല് ദീപുവെന്ന ഗുണ്ടയെ കൊലപ്പെടുത്തിയ കുട്ടനുമായാണ് പോലീസുകാരന് മദ്യപിച്ചത്. ഇതേ സ്ഥലത്തുവെച്ച് കുട്ടനും ദീപുവുമായി ഉണ്ടായ തര്ക്കത്തെ തുടര്ന്നാണ് കൊലപാതകം നടന്നത്. കുട്ടന് ഇപ്പോള് റിമാന്ഡിലാണ്.
