കോന്നി : എൻ ജി ഒ വനിതാ പ്രവർത്തകയോട് മോശമായി പെരുമാറിയ സംഭവത്തിൽ സി പി എം കോന്നി ഏരിയാ കമ്മറ്റി അംഗം സംഗേഷ് ജി നായരെ പാർട്ടി സസ്പെൻഡ് ചെയ്തു. ഒരു വർഷത്തേക്ക് ആണ് സസ്പെൻഷൻ. പാർട്ടിയുടെ ഔദ്യോഗിക സ്ഥാനങ്ങളിൽ നിന്നും മറ്റ് പ്രവർത്തനങ്ങളിൽ നിന്നും മാറ്റി നിർത്തിയാണ് നടപടി. കോന്നി ഏരിയാ കമ്മറ്റി ചേർന്ന് തീരുമാനം ജില്ലാ കമ്മറ്റിക്ക് കൊടുക്കുകയും തീരുമാനം അംഗീകരിക്കുകയുമായിരുന്നു. കോന്നിയിൽ കരിയാട്ടം ഫെസ്റ്റ് നടന്ന സമയത്ത് വനിതാ എൻ ജി ഒ യൂണിയൻ പ്രവർത്തകയോട് മോശമായി പെരുമാറി എന്ന വിഷയത്തിൽ വനിത സി പി എം ജില്ലാ കമ്മറ്റിക്ക് പരാതി നൽകിയിരുന്നു. നാല് മാസങ്ങൾക്ക് മുൻപാണ് പരാതി നൽകിയത്. എന്നാൽ ഇതിന് ശേഷം നടപടി എടുത്തില്ല എന്ന് മാത്രമല്ല കോന്നിയിൽ നടന്ന നവകേരള സദസ്സിൽ കോന്നി എം എൽ എ അഡ്വ.കെ യു ജെനീഷ് കുമാറിന്റെ ഒപ്പം സന്തത സാഹചാരിയായി സംഗേഷ് പൊതു പരിപാടികളിലും പങ്കെടുത്തിരുന്നു. എന്നാൽ പിന്നീട് സംഭവം മാധ്യമങ്ങളിൽ വാർത്തയായതോടെ ആണ് നടപടി സ്വീകരിച്ചത്. പാർട്ടി കമ്മീഷന് സംഗേഷ് നൽകിയ വിശദീകരണവും തള്ളിയിരുന്നു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക
