ന്യൂഡല്ഹി : ലോകസഭയിൽ പ്രതിഷേധിച്ച നാല് കോൺഗ്രസ് എംപിമാരുടെ സസ്പെഷൻ പിൻവലിച്ചു. ലോകസഭ എം പി മാരായ ടി എൻ പ്രതാപൻ ,രമ്യ ഹരിദാസ്, മാണിക്കം ടാഗോർ, ജ്യോതി മണി എന്നിവരുടെ സസ്പെൻഷനാണ് പിൻവലിച്ചത്.
അതേസമയം വിലക്കയറ്റം അടിയന്തരമായി ചര്ച്ചക്കെടുക്കാത്തതില് പാര്ലമെന്റില് ഇന്നും ബഹളം. പ്രതിപക്ഷ ബഹളത്തെ തുടര്ന്ന് ലോക്സഭയും രാജ്യസഭയും രണ്ട് മണി വരെ നിര്ത്തി വച്ചു. പ്രതിപക്ഷ സംസ്ഥാനങ്ങളിലെ ഇഡി നടപടിയില് ചര്ച്ച അനുവദിക്കാത്തതില് രാജ്യസഭയില് പ്രതിപക്ഷം നടുത്തളത്തിലിറങ്ങി പ്രതിഷേധിച്ചു. ഒന്പത് ദിവസം തുടര്ച്ചയായി സ്തംഭിച്ച പാര്ലമെന്റ് ഇന്ന് വീണ്ടും ചേരുമ്പോഴും ബഹളമയമായിരുന്നു. വിലക്കയറ്റം ചര്ച്ച ചെയ്യാമെന്ന് സര്ക്കാര് സമ്മതിച്ചെങ്കിലും ലോക് സഭ മറ്റ് നടപടികളിലക്ക് കടന്നത് പ്രതിപക്ഷത്തെ ക്ഷുഭിതരാക്കി.
