കോന്നി : പ്രമാടം പഞ്ചായത്ത് ഭരണസമിതിക്കെതിരെ യുഡിഎഫ് നേതൃത്വത്തിൽ ഓഗസ്റ്റ് നാലിന് പഞ്ചായത്ത് ഓഫീസ് മാർച്ചും ഉപരോധവും സംഘടിപ്പിക്കാൻ കോൺഗ്രസ് നേതൃസമ്മേളനം തീരുമാനിച്ചു.
ഗ്രാമപഞ്ചായത്തിൽ നിലനിൽക്കുന്ന ഗുരുതരമായ അഴിമതിക്കും സ്വജനപക്ഷപാതത്തിനും പദ്ധതി നിർവഹണത്തിലെ അപാകതകൾക്കെതിരെ യാണ്അതിശക്തമായ സമരപരിപാടികൾ . തദ്ദേശ സ്വയംഭരണ സ്ഥാപനങ്ങൾക്കുള്ള സർക്കാർ വിഹിതം ഗവൺമെൻറ് വെട്ടിക്കുറച്ച് അതിനെതിരായി കൂടിയാണ് സമരം.ആൻറ്റോ ആൻറണി എംപി പ്രാദേശിക വികസന ഫണ്ടിൽ നിന്നും കാത്തിരിപ്പ് കേന്ദ്രങ്ങൾ സ്ഥാപിക്കാൻ ഫണ്ട് അനുവദിച്ചിട്ടുണ്ട് മാസങ്ങളായിട്ടും പഞ്ചായത്ത് ഭരണസമിതി അതിന് അനുവാദം നൽകിയിട്ടില്ല.
പ്രാദേശികമായി വികസനഫണ്ട് അനുവദിക്കുന്നതിലും പഞ്ചായത്ത് ഭരണസമിതി ഗുരുതരമായ വിവേചനം ആണ് കാണിക്കുന്നത് എന്നും യോഗം ആരോപിച്ചു.
മണ്ഡലം പ്രസിഡൻറ് കെ വിശ്വംഭരന്റെ അധ്യക്ഷതയിൽ ചേർന്ന യോഗം ജില്ലാ കോൺഗ്രസ് കമ്മിറ്റി ഉപാധ്യക്ഷൻ അഡ്വക്കേറ്റ് വെട്ടൂർ ജ്യോതി പ്രസാദ് ഉദ്ഘാടനം ചെയ്തു. ഡിസിസി വൈസ് പ്രസിഡൻറ് റോബിൻ പീറ്റർ ജനറൽ സെക്രട്ടറിമാരായ എം വിഫിലിപ്പ് ,എം എസ് പ്രകാശ് ബ്ലോക്ക് പ്രസിഡണ്ട് എസ് സന്തോഷ് കുമാർ ഭാരവാഹികളായ എം കെ മനോജ്, ജോസ് പനച്ചിക്കൽ ,ബിജു വട്ടക്കുളഞ്ഞി ,നിഖിൽ ചെറിയാൻ , കെ മനോഹരൻ സോണി എം ജോസ്, റോബിൻ മോൻസി, രമാദേവി, ശ്രീകല നായർ ,വിഷ്ണു കുമാർ, എം എ രാജൻ എന്നിവർ പ്രസംഗിച്ചു. ആഗസ്റ്റ് 11ന് കോന്നിയിൽ നിന്നും പ്രമാടം മണ്ഡലത്തിലൂടെ വരുന്ന ജില്ലാ കോൺഗ്രസ് കമ്മിറ്റി പ്രസിഡണ്ട് പ്രൊഫസർ സതീഷ് കൊച്ചുപറമ്പിൽ നയിക്കുന്ന പദയാത്ര വൻ വിജയമാക്കാനും യോഗം തീരുമാനിച്ചു.
