ബഹ്‌റൈന്‍ : സ്വദേശി വ്യവസായങ്ങള്‍ക്ക് പ്രോത്സാഹനം നല്‍കാന്‍ പുതിയ പദ്ധതിയുമായി ബഹ്‌റൈന്‍ ഭരണകൂടം. സ്വദേശി വ്യവസായങ്ങളുടെ വളര്‍ച്ചയിലൂടെ രാജ്യത്തെ സമ്പദ് വ്യവസ്ഥയില്‍ വലിയ പുരോഗതിയാണ് ഭരണകൂടം പ്രതീക്ഷിക്കുന്നത്. പ്രത്യേക പദ്ധതിക്ക് ‘തകാമുല്‍’ എന്ന പേരാണ് ബഹ്‌റൈന്‍ വ്യവസായ മന്ത്രാലയം നല്‍കിയിരിക്കുന്നത്. രാജ്യത്തെ കയറ്റുമതി വര്‍ധിപ്പിക്കുക, കൂടുതല്‍ തൊഴിലവസരങ്ങള്‍ സൃഷ്ടിക്കുക തുടങ്ങിയ ലക്ഷ്യങ്ങളോടെയാണ് പദ്ധതി നടപ്പിലാക്കുന്നത്. വ്യവസായ വാണിജ്യ മന്ത്രാലയത്തില്‍ നടന്ന വാര്‍ത്താ സമ്മേളനത്തില്‍ വാണിജ്യ-വ്യവസായ മന്ത്രി അബ്ദുള്ള ബിന്‍ ആദില്‍ ഫഖ്‌റുവാണ് ഇത് സംബന്ധിച്ച് പ്രഖ്യാപനം നടത്തിയത്. ദേശീയ സമ്പദ് വ്യവസ്ഥയില്‍ സ്വദേശി വ്യവസായങ്ങളുടെ സംഭാവന വര്‍ധിപ്പിക്കുന്നതിന് തകാമുല്‍ പദ്ധതി ഗുണം ചെയ്യുമെന്ന് മന്ത്രി പറഞ്ഞു. പുതിയ പദ്ധതി യാഥാര്‍ഥ്യമാകുന്നതോടെ വ്യവസായ മേഖലയില്‍ കൂടുതല്‍ നിക്ഷേപം ഉണ്ടാകുമെന്നാണ് വ്യവസായ മന്ത്രാലയം പ്രതീക്ഷിക്കുന്നത്. നിക്ഷേപകര്‍ക്ക് കൂടുതല്‍ അനുകൂലമായ അന്തരീക്ഷം ഉറപ്പാക്കാനും പദ്ധതി ലക്ഷ്യമിടുന്നു. കൃത്യമായ മാനദണ്ഡങ്ങള്‍ പാലിക്കുന്ന വ്യവസായങ്ങള്‍ക്ക് സര്‍ക്കാര്‍ കരാര്‍ ലേലങ്ങളില്‍ 10 ശതമാനം മുന്‍ഗണന നല്‍കാനും തീരുമാനിച്ചിട്ടുണ്ട്.
പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – ptamedianews@gmail.com
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ 0468 295 3033 / mail – sales@eastindiabroadcasting.com
———————-
ചീഫ് എഡിറ്റര്‍ – 94473 66263, 85471 98263, 0468 2333033
