കൊച്ചി: താനൂരിലെ ബോട്ടപകടവുമായി ബന്ധപ്പെട്ട് പോലീസിനെ തെറ്റിധരിപ്പിക്കാന് ബോട്ടുടമയുടെ ശ്രമം. നാസറിന്റെ ഫോണ് സഹോദരന്റ കൈയിലാണെന്ന വിവരമാണ് പോലീസിന് ലഭിച്ചത്. ഫോണ് കൈമാറിയ ശേഷം നാസര് ഒളിവില് തന്നെ തുടരുകയാണ്. സഹോദനും സംഘവും എറണാകുളത്ത് എത്തിയത് മുന്കൂര് ജാമ്യത്തിന് ശ്രമിക്കാനാണെന്ന് വ്യക്തമായി. ഇവര് അഭിഭാഷകരുമായി ബന്ധപ്പെട്ടതിനും തെളിവ് ലഭിച്ചു. ഇയാളുടെ വാഹനം കൊച്ചിയില് വെച്ച് കസ്റ്റഡിയിലെടുത്തു.
പാലാരിവട്ടം പോലീസാണ് വാഹനം പിടിച്ചെടുത്തത്. ബോട്ടുടമയായ നാസറിന്റെ സഹോദരനേയും സുഹൃത്തുക്കളേയും പോലീസ് ചോദ്യം ചെയ്യുകയാണ്. നാസറിന്റെ ചേട്ടനും സുഹൃത്തുക്കളും കസ്റ്റഡിയിലെടുത്ത വാഹനത്തിലുണ്ടായിരുന്നു. നാസറിന്റെ ഫോണ് കോളുകള് കേന്ദ്രീകരിച്ചാണ് അന്വേഷണം നടത്തുന്നത്.
