മലപ്പുറം: താനൂരില് 22 പേരുടെ ജീവന് നഷ്ടമാകാനിടയായ ബോട്ടപകടത്തില് അറസ്റ്റിലായ 2 തുറമുഖ വകുപ്പ് ഉദ്യോഗസ്ഥര്ക്കെതിരെ കൊലക്കുറ്റം ചുമത്തി കേസെടുത്തു. നാസറിന്റെ ബോട്ടിന് ചട്ടങ്ങള് ലംഘിച്ചു സര്വീസ് നടത്താന് വഴിവിട്ട് സഹായം ചെയ്തെന്ന് കണ്ടെത്തിയതിന്റെ അടിസ്ഥാനത്തിലാണിത്. പൊന്നാനിയിലെ യാര്ഡില് വെച്ച് ബോട്ട് രൂപമാറ്റം വരുത്തുമ്പോള് തന്നെ പരാതി ലഭിച്ചിരുന്നെങ്കിലും നടപടിയെടുത്തിരുന്നില്ല. ഇതിന്റെ അടിസ്ഥാനത്തിലാണ് പോര്ട്ട് കണ്സര്വേറ്റര് പ്രസാദിനെയും സര്വേയര് സെബാസ്റ്റ്യനെയും പ്രത്യേക അന്വേഷണസംഘം അറസ്റ്റ് ചെയ്തത്.
അപകടത്തെ കുറിച്ച് അന്വേഷിക്കാന് ജസ്റ്റിസ് വി.കെ. മോഹനന് ചെയര്മാനായുള്ള ജുഡീഷ്യല് കമ്മിഷനെ സര്ക്കാര് നിയോഗിച്ചിരുന്നു. നേരത്തെ അറസ്റ്റിലായ ബോട്ടുടമ നാസറിനും ജീവനക്കാര്ക്കുമെതിരെ കൊലക്കുറ്റം ചുമത്തിയാണ് കേസെടുത്തത്. ഇതോടെ ഉദ്യോഗസ്ഥരടക്കം പ്രതികളായ എല്ലാവര്ക്കെതിരെയും കൊലക്കുറ്റം ചുമത്തി.
