കണ്ണൂർ: മുഴപ്പിലങ്ങാട്ടെ തെരുവ് നായ ശല്യത്തിന് എതിരെ പഞ്ചായത്ത് ഓഫീസിലേക്ക് മാർച്ച് നടത്തി സ്ത്രീ കൂട്ടായ്മ. തെരുവ് നായ ആക്രമണത്തിൽ കൊല്ലപ്പെട്ട നിഹാലിന്റെ കുടുംബത്തിന് സർക്കാർ സഹായം ഉണ്ടാകുമെന്ന് എൽ ഡി എഫ് കൺവീനർ ഇ പി ജയരാജൻ പറഞ്ഞു.തെരുവു നായ ആക്രമണത്തിനു എതിരെ ശാശ്വത പരിഹാരം കാണണമെന്ന് ആവശ്യപ്പെട്ടൊണ് സ്ത്രീ കൂട്ടായ്മ മുഴപ്പിലങ്ങാട് പഞ്ചായത്ത് ഓഫീസിലേക്ക് മാർച്ച് നടത്തിയത്. പലതവണ പഞ്ചായത്ത് അധികൃതർക്ക് പരാതി നൽകിയിട്ടും പരിഹാരമുണ്ടായില്ലെന്ന് സ്ത്രീ കൂട്ടായ്മ.
സ്കൂളിലേക്കും മദ്രസിയിലക്കും പോകുന്ന കുട്ടികളെ തെരുവ് നായ ആക്രമിക്കുന്നതിനാൽ വടിയുമായാണ് ഇപ്പോൾ രക്ഷകർത്താക്കൾ പുറത്തേക്ക് ഇറങ്ങുന്നത്. കുട്ടികൾക്കും ഇപ്പോൾ പുറത്തേക്ക് ഇറങ്ങാൻ ഭയമാണ് മുഖ്യമന്ത്രിയുടെ മണ്ഡലത്തിൽ നടന്ന നിഹാലിന്റെ മരണത്തിൽ ദുഃഖം രേഖപ്പെടുത്തിയ ഇ പി ജയരാജൻ സർക്കാർ സഹായത്തിലും ഉറപ്പു നൽകി നായയുടെ ആക്രമണത്തിൽ വയറിലും ഇടതുകാൽ തുടയിലും ഏറ്റ മുറിവുകളാണ് നിഹാലിന്റെ മരണകാരണമായി പോസ്റ്റുമോർട്ടം റിപ്പോർട്ടിൽ പറയുന്നത്.
