കൊല്ലം: തിരുവിതാംകൂര്‍ ദേവസ്വം ബോര്‍ഡിന്‍റെ അക്കൗണ്ടുകള്‍ കൊല്ലം ജില്ലാ കളക്ടര്‍ മരവിപ്പിച്ചു. ജില്ലാ കളക്ടര്‍ ഇടപെട്ട് കൊല്ലത്തെ ധനലക്ഷ്മി ബാങ്കിലെ അക്കൗണ്ടുകളാണ് മരവിപ്പിച്ചത്.
കോളേജിന്‍റെ പാട്ടത്തുകയായ 21 കോടി രൂപ ശാസ്താംകോട്ട ദേവസ്വം ബോര്‍ഡ് അടയ്ക്കാത്തതിനെ തുടര്‍ന്നാണ് നടപടി.പാട്ടത്തുക വിഷയത്തില്‍ അപ്പീല്‍ പോകാനുള്ള ബോര്‍ഡിന്‍റെ നിര്‍ദ്ദേശം ലോ ഓഫീസര്‍ അവഗണിച്ചു. അക്കൗണ്ട് മരവിപ്പിച്ചതോടെ വിവിധ ഗ്രൂപ്പുകളിലെ ജീവനക്കാരുടെ ശമ്പളവും മുടങ്ങി.
