തിരുവനന്തപുരം : അട്ടപ്പാടി മധു കേസ് അട്ടിമറിക്കാന് സര്ക്കാര് കൂട്ടുനില്ക്കുകയാണെന്ന വിമര്ശനവുമായി പ്രതിപക്ഷനേതാവ് വി ഡി സതീശന്. താന് ഉടന് അട്ടപ്പാടിയില് പോയി മധുവിന്റെ അമ്മയേയും പെങ്ങളേയും കാണുമെന്ന് വി ഡി സതീശന് അറിയിച്ചു. നീതി ഉറപ്പാക്കാന് സര്ക്കാര് ശ്രമിക്കുന്നില്ലെന്നാണ് പ്രതിപക്ഷ നേതാവ് കുറ്റപ്പെടുത്തുന്നത്. സ്വന്തക്കാരെ സംരക്ഷിക്കാനാണ് സര്ക്കാര് ശ്രമിക്കുന്നതെന്നും പ്രതിപക്ഷ നേതാവ് ആരോപിച്ചു.
ആലപ്പുഴ ജില്ലാ കളക്ടര് സ്ഥാനത്തുനിന്നും ശ്രീറാം വെങ്കിട്ടരാമനെ മാറ്റിയ നടപടിയിലും പ്രതിപക്ഷനേതാവ് മാധ്യമങ്ങളോട് പ്രതികരണമറിയിച്ചു. സര്ക്കാര് തീരുമാനത്തെ സ്വാഗതം ചെയ്യുന്നുവെന്ന് പ്രതിപക്ഷനേതാവ് പറഞ്ഞു. ശ്രീറാം വെങ്കിട്ടരാമനെ ജില്ലാ കളക്ടറായി നിമയമിക്കുന്നതിന് മുന്പ് സര്ക്കാര് മൂന്ന് തവണ ആലോചിക്കണമായിരുന്നെന്ന് വി ഡി സതീശന് കുറ്റപ്പെടുത്തി. കടുത്ത പ്രതിഷേധം നിലനില്ക്കെ മജിസ്ട്രേറ്റിന്റെ അധികാരം കൂടിയുള്ള ജില്ലാ കളക്ടറായി ശ്രീറാമിനെ നിയമിച്ച തീരുമാനം അനുചിതമായിപ്പോയെന്നും വി ഡി സതീശന് കൂട്ടിച്ചേര്ത്തു.
