ഇടുക്കി: നെടുങ്കണ്ടത്ത് നഴ്സറി സ്കൂള് അധ്യാപകന്റെ മൊബൈല് ഫോണില് നിന്നും പ്രായപൂര്ത്തിയാകാത്ത കുട്ടികളുടെ അശ്ലീല ദൃശ്യങ്ങള് കണ്ടെത്തിയ സംഭവത്തില് വിശദമായ അന്വേഷണത്തിനൊരുങ്ങി പോലീസ്. യുവതിക്കും അമ്മയ്ക്കും അശ്ലീലസന്ദേശങ്ങള് അയച്ച ആളുടെ മൊബൈല് പരിശോധിച്ചപ്പോവാണ് നഴ്സറി വിദ്യാര്ത്ഥികളുടെ സ്വകാര്യദൃശ്യങ്ങള് കണ്ടെത്തിയത്. വട്ടപ്പാറ സ്വദേശി ജോജു(27)വിനെയാണ് നെടുങ്കണ്ടം പോലീസ് അറസ്റ്റുചെയ്തത്.
ഇയാള് പഠിപ്പിക്കുന്ന നഴ്സറി സ്കൂളിലെ കുട്ടികളുടെയടക്കം അസ്ലീല വീഡിയോകള് ഉണ്ടായിരുന്നത്. മൊബൈല് ഫോണ് കസ്റ്റഡിയിലെടുത്ത പോലീസ് സംഭവത്തില് വിശദമായി അന്വേഷണത്തിനൊരുങ്ങുകയാണ്. ഹൈദരാബാദിലെ സ്വകാര്യ സ്കൂളില് നഴ്സറി വിഭാഗം അധ്യാപകനായി ജോലി ചെയ്യുന്ന ജോജു അവിടെ പഠിക്കുന്ന കുട്ടികളുടെ അശ്ലീല വീഡിയോ ആണ് മൊബൈലില് പകര്ത്തിയിരുന്നത്. കേരളത്തിലെയടക്കം കുട്ടികളുുടെ ദൃശ്യങ്ങള് ഇയാള് പകര്ത്തിയിട്ടുണ്ടോയെന്നും കുട്ടികളെ ലൈംഗികമായി ചൂഷണം ചെയ്തിരുന്നോ എന്നതടക്കമുള്ള കാര്യങ്ങളാണ് പോലീസ് അന്വേഷിക്കുന്നത്. ഇയാളുടെ ഫോണില് നിന്നും നഴ്സറി കുട്ടികളുടെ 300 ലേറെ വീഡിയോകളും 180 ഓളം നഗ്ന ചിത്രങ്ങളും കണ്ടെത്തി. ക്ലാസില് പഠിയ്ക്കുന്ന കുട്ടികളുടെ സ്വകാര്യ ദൃശ്യങ്ങള് അവരറിയാതെ സ്വന്തം മൊബൈലില് പകര്ത്തി ഇയാള് സൂക്ഷിക്കുകയായിരുന്നുവെന്നാണ് പോലീസ് പറയുന്നത്.