കോഴിക്കോട് : നഗരത്തിലെ വീട്ടില് ദമ്പതികളെ മുറിക്കുള്ളില് ബന്ദിയാക്കി മുളകുപൊടിവിതറി മോഷണം. ഗണ്ണിസ്ട്രീറ്റ് ചാക്കാരിട മുഷ്താഖ് റോഡിലെ പി.എ ഹൗസ് വളപ്പിലുള്ള സലാമിെന്റ വീട്ടിലാണ് ഞായറാഴ്ച പുലര്ച്ചെ കവര്ച്ച നടന്നത്. ജനലിലെ മര അഴികള് മുറിച്ചുമാറ്റി അകത്തുകടന്ന മോഷ്ടാവ് സലാമും ഭാര്യ റാബിയയും ഉറങ്ങിയ മുറി ആദ്യം പുറത്തുനിന്ന് ഷാള് ഉപയോഗിച്ച് തുറക്കാനാവാത്ത വിധം കെട്ടുകയായിരുന്നു.
തുടര്ന്ന് മുകള് നിലയിലെ ആളില്ലാത്ത മുറിയിലെത്തി അലമാരയടക്കം തുറന്ന് സാധനങ്ങള് വാരിവലിച്ചിട്ടു. ഇവിടെ നിന്ന് ഒന്നും ലഭിക്കാതായതോടെ വീണ്ടും താഴെ സലാമിെന്റ മകള് ആയിഷയുടെ മുറിയിലെത്തി. ഉണര്ന്ന് ബഹളംവെച്ച അവരുമായി പിടിവലി നടത്തിയ കള്ളന് ഒരു പവെന്റ സ്വര്ണ ബ്രേസ്ലെറ്റ് കൈക്കലാക്കി. തുടര്ന്ന് ആയിഷക്കുനേരെ മുളകുപൊടിയെറിഞ്ഞ് കടന്നുകളയുകയായിരുന്നു. കുടുംബം പോലീസില് വിവരം അറിയിച്ചതിനെ തുടര്ന്ന് കണ്ട്രോള് റൂമിലെ പട്രോളിങ് സംഘം എത്തി മേഖലയിലാകെ തിരച്ചില് നടത്തിയെങ്കിലും ആരെയും കണ്ടെത്താനായില്ല.
മേല്ക്കൂരയിലെ ഓടിളക്കി അകത്തുകയറാനുള്ള ശ്രമം വീടിന് മച്ചുള്ളതിനാല് പരാജയപ്പെട്ടതോടെയാണ് മോഷ്ടാവ് ജനല് അഴി ഹാക്സോ ബ്ലേഡോ മറ്റോ ഉപയോഗിച്ച് മുറിച്ചുമാറ്റി ഉള്ളില് കടന്നത്. വിരലടയാളം പതിയാതിരിക്കാന് ഇയാള് കൈയുറകള് ധരിച്ചിരുന്നു. െഡപ്യൂട്ടി പോലീസ് കമീഷണര് സ്വപ്നില് മഹാജന്, ടൗണ് അസി.കമീഷണര് പി.ബിജുരാജ്, സ്പെഷല് ബ്രാഞ്ച് അസി.കമീഷണര് എ.ഉമേഷ്, ടൗണ് ഇന്സ്പെക്ടര് പി. രാജേഷ്, എസ്.ഐ ഷൈജു എന്നിവരും വിരലടയാള വിദഗ്ധന് പി.ശ്രീരാജ്, ഡോഗ് സ്ക്വാഡ് എന്നിവരും സ്ഥലത്തെത്തി തെളിവുകള് ശേഖരിച്ചു. ടൗണ് പോലീസ് കേസെടുത്ത് അന്വേഷണം തുടങ്ങി.
