മെക്സിക്കോ സിറ്റി : ലഹരിമരുന്ന് തലവൻ നെമെസിയോ റൂബൻ ഒസെഗുരയുടെ വധത്തിന് പിന്നാലെ മെക്സിക്കോയിൽ വ്യാപക സംഘർഷം. കാർട്ടൽ ഗ്രൂപ്പുകൾ ഹലിസ്കോയിലും പരിസര സംസ്ഥാനങ്ങളിലും റോഡുകൾ തടയുകയും വാഹനങ്ങൾക്ക് തീയിടുകയും ചെയ്തു. സുരക്ഷാ സാഹചര്യം കണക്കിലെടുത്ത് എയർ കാനഡ പ്യൂർട്ടോ വല്ലാർട്ടയിലേക്കുള്ള വിമാനങ്ങൾ റദ്ദാക്കി.
മെക്സിക്കോയിൽ താമസിക്കുന്ന ഇന്ത്യൻ പൗരന്മാരോട് കൂടുതൽ അറിയിപ്പ് ഉണ്ടാകുന്നതുവരെ സുരക്ഷിത സ്ഥാനങ്ങളിൽ തുടരാൻ ഇന്ത്യൻ എംബസി നിർദേശിച്ചു. ഹലിസ്കോ ന്യൂ ജനറേഷൻ കാർട്ടലിന്റെ നേതാവാണ് കൊല്ലപ്പെട്ട ഒസെഗുര. പ്യൂർട്ടോ വല്ലാർട്ട, ചാപാല, ഗ്വാഡലജാര പ്രദേശങ്ങൾ, തമൗലിപാസ്, മൈക്കോവാക്കൻ ഗ്വെറേറോ, ന്യൂവോ ലിയോൺ, എന്നിവിടങ്ങളിലെ ഇന്ത്യൻ പൗരന്മാർ ഇനിയൊരു അറിയിപ്പ് ഉണ്ടാകുന്നതുവരെ സ്ഥലത്ത് അഭയം തേടണമെന്നും ഇന്ത്യൻ എംബസി അറിയിച്ചു.
ജാഗ്രതാ നിർദേശങ്ങൾ
നാവശ്യമായി പുറത്തിറങ്ങുന്നതും യാത്രചെയ്യുന്നതും ഒഴിവാക്കണം.
അപ്ഡേറ്റുകൾക്കായി പ്രാദേശിക മാധ്യമങ്ങളെ നിരീക്ഷിക്കണം.
തദ്ദേശ സ്വയംഭരണ സ്ഥാപനങ്ങളുടെ നിർദ്ദേശങ്ങൾ പാലിക്കുക
അടിയന്തര സാഹചര്യങ്ങളിൽ 911 എന്ന നമ്പറിൽ വിളിക്കുക.
ജനക്കൂട്ടം ഒഴിവാക്കുക.
ഫോൺ, ടെക്സ്റ്റ്, സോഷ്യൽ മീഡിയ എന്നിവ വഴി കുടുംബാംഗങ്ങളെയും സുഹൃത്തുക്കളെയും നിങ്ങളുടെ സ്ഥലത്തെയും ക്ഷേമത്തെയും കുറിച്ച് അറിയിക്കുക.
സഹായത്തിന് +52 55 4847 7539 എന്ന നമ്പറിൽ ഇന്ത്യൻ എംബസിയുമായി ബന്ധപ്പെടുക.
