കൊച്ചി : കൊവിഡ് പ്രതിദിന വർധനയും ടെസ്റ്റ് പോസിറ്റിവിറ്റി നിരക്കും ഉയർന്നതോടെ കനത്ത ജാഗ്രതയിൽ സംസ്ഥാനം. ലോക്ക്ഡൗണ് ആരംഭിച്ച് ദിവസങ്ങള് പിന്നിടുമ്പോഴും പ്രതിദിന കൊവിഡ് വര്ധനയും ടെസ്റ്റ് പോസിറ്റിവിറ്റി നിരക്കും ഉയരുകയാണ്. രണ്ട് ദിവസത്തിനകം കണക്കുകളില് കുറവ് വരുമെന്നാണ് സര്ക്കാരിന്റെ പ്രതീക്ഷ. ഇതനുസരിച്ചാകും ലോക്ക്ഡൗണ് നീട്ടണോയെന്ന കാര്യത്തില് തീരുമാനമുണ്ടാവുക.
കൊവിഡ് കണക്ക് ഉയര്ന്ന് തന്നെ നില്ക്കുന്ന സാഹചര്യത്തില് ലോക്ക്ഡൗണ് നീട്ടുന്ന കാര്യം സര്ക്കാരിന്റെ പരിഗണനയിലുണ്ട്. ആരോഗ്യ വകുപ്പും വിദഗ്ധരും നീട്ടണമെന്ന ആവശ്യം ഉയര്ത്തുന്നുണ്ട്. എന്നാല് അവസാന ഘട്ടത്തില് മാത്രമേ ലോക്ക്ഡൗണ് നീട്ടുന്ന കാര്യത്തില് തീരുമാനമുണ്ടാവൂ എന്ന് ഇന്നലത്തെ വാര്ത്താ സമ്മേളനത്തില് മുഖ്യമന്ത്രി പിണറായി വിജയന് വ്യക്തമാക്കിയിരുന്നു. ലോക്ക്ഡൗണ് പെട്ടെന്ന് അവസാനിപ്പിച്ചാല് ലോക്ക്ഡൗണ് ഏര്പ്പെടുത്തിയതിന്റെ ഗുണം നഷ്ടപ്പെടുമെന്നതിനാല് കുറച്ചുദിവസംകൂടി അടച്ചിടുവാനാണ് സാധ്യത.
നമ്മള് ഇപ്പോള് ഒരു ലോക്ക്ഡൗണില് ആയതിനാല് നീട്ടിയാലും അതുമായി മുന്നോട്ട് പോകുന്നതില് പ്രശ്നങ്ങളുണ്ടാവില്ല എന്നാണ് മുഖ്യമന്ത്രി പറഞ്ഞത്. അതേസമയം കേരളത്തില് ഇന്നലെ 43,529 പേര്ക്കാണ് കൊവിഡ് സ്ഥിരീകരിച്ചത്. ടെസ്റ്റ് പോസിറ്റിവിറ്റി നിരക്ക് 29.75 ആണ്. സംസ്ഥാനത്തെ ഏറ്റവും ഉയര്ന്ന പ്രതിദിന വര്ധനയാണിത്.
