ന്യൂ ഡല്‍ഹി: അഫ്ഗാനിസ്ഥാന്‍ താലിബാന്‍ പിടിച്ചെടുത്ത സാഹചര്യത്തില്‍ സ്ഥിതിഗതികള്‍ വിലയിരുത്താന്‍ രാജ്യതലസ്ഥാനത്ത് പ്രധാനമന്ത്രി നരേന്ദ്ര മോദിയുടെ അധ്യക്ഷതയില്‍ ഉന്നതതല യോഗം.
ഇന്ത്യക്കാരായ 1650 പേര്‍ അഫ്ഗാനിസ്താനില്‍ നിന്ന് തിരികെയെത്തുന്നതിന് അപേക്ഷ നല്‍കിയിട്ടുണ്ട്.
ഇക്കാര്യങ്ങളെല്ലാം യോഗത്തില്‍ വിശദമായി ചര്‍ച്ച ചെയ്യും. ആഭ്യന്തര മന്ത്രി അമിത് ഷാ, പ്രതിരോധ മന്ത്രി രാജ്‌നാഥ് സിങ്, ധനമന്ത്രി നിര്‍മല സീതാരാമന്‍, ദേശീയ സുരക്ഷാ ഉപദേഷ്ടാവ് അജിത് ഡോവല്‍ എന്നിവര്‍ യോഗത്തില്‍ പങ്കെടുക്കുന്നുണ്ട്.
അതേസമയം കാബൂളിലെ ഇന്ത്യന്‍ എംബസി ഇതുവരെ അടച്ചിട്ടില്ല. അഫ്ഗാന്‍ ജീവനക്കാര്‍ എംബസിയില്‍ പ്രവര്‍ത്തിക്കുന്നുണ്ടെന്ന് വാര്‍ത്താ ഏജന്‍സി റിപ്പോര്‍ട്ട് ചെയ്തു. പ്രധാനമന്ത്രി തുടര്‍ച്ചയായി അഫ്ഗാനിലെ സ്ഥിതിഗതികള്‍ വിലയിരുത്തിവരികയാണെന്ന് സര്‍ക്കാര്‍ വൃത്തങ്ങള്‍ വ്യക്തമാക്കി.
