കോഴിക്കോട്: താമരശ്ശേരി ചുരത്തിലെ ആറാം വളവില് ടാങ്കര് ലോറി മറിഞ്ഞ് അപകടം. ചുരത്തില് ഗതാഗതം തടസപ്പെട്ടു.
കെമിക്കല് കയറ്റുന്നതിനായി പോവുകയായിരുന്ന ടാങ്കര് ലോറിയാണ് അപകടത്തില് പെട്ടത്. ലോറി കാലിയായിരുന്നു എന്നാണ് സൂചന.
ബുധനാഴ്ച വൈകിട്ട് 5 മണിയോടെയാണ് അപകടം. തമിഴ്നാട് സ്വദേശിയായ ഡ്രൈവര് പരുക്കേല്ക്കാതെ രക്ഷപ്പെട്ടു. പോലീസും ചുരം സംരക്ഷണ സമിതി പ്രവര്ത്തകരും ചേര്ന്ന് വണ്വേ അടിസ്ഥാനത്തില് വാഹനങ്ങള് കടത്തി വിടുകയാണ്. രണ്ടു മണിക്കൂറോളമായി ഗതാഗത തടസം നേരിടുന്നു. ലോറി ഉയര്ത്താനുള്ള ശ്രമങ്ങള് ആരംഭിച്ചിട്ടുണ്ട്. വൈകാതെ ഗതാഗതം പുനഃസ്ഥാപിക്കാന് സാധിക്കുമെന്നാണ് പ്രതീക്ഷ.
താമരശ്ശേരി ചുരത്തിലെ ആറാം വളവില് ടാങ്കര് ലോറി മറിഞ്ഞ് അപകടം : ഗതാഗതം തടസപ്പെട്ടു
RECENT NEWS
Advertisment