പത്തനംതിട്ട : പതിനൊന്നാമത് അന്താരാഷ്ട്ര യോഗ ദിനത്തോട് അനുബന്ധിച്ച പരിപാടി കാതോലിക്കേറ്റ് കോളജിൽ സംഘടിപ്പിച്ചു. കേന്ദ്ര യുവജനകാര്യ കായിക മന്ത്രാലയം മൈ ഭാരത് പത്തനംതിട്ട, 14 കേരള ബറ്റാലിയൺ എൻ.സി.സി. പത്തനംതിട്ട, നാഷണൽ സർവ്വീസ് സ്കീം കാതോലിക്കറ്റ് കോളേജ്, സ്റ്റാസ് കോളേജ്, പത്തനംതിട്ട എന്നിവയുടെ സംയുക്ത ആഭിമുഖ്യത്തിലാണ് പരിപാടി സംഘടിപ്പിച്ചത്. മൈഭാരത് ജില്ലാ യുത്ത് ഓഫീസർ സന്ദീപ് കൃഷ്ണൻ അദ്ധ്യക്ഷത വഹിച്ച ചടങ്ങ് കാതോലിക്കേറ്റ് കോളേജ് പ്രിൻസിപ്പൽ സിന്ധു ജോൺസ് ഉത്ഘാടനം നിർവ്വഹിച്ചു.
ചടങ്ങിന് കാതോലിക്കേറ്റ് കോളേജ് എൻ എസ് എസ് പ്രോഗ്രാം ഓഫീസർ ആൻസി സാം സ്വാഗതവും പത്തനംതിട്ട ജില്ലാ എൻ. എസ്. എസ്. ഓഫീസർ രാജശ്രീ ജി മുഖ്യപ്രഭാഷണവും എൻ. സി.സി. 14K ബറ്റാലിയൺ സുബേദാർ മേജർ ഷിബു സി, കാതോലിക്കേറ്റ് കോളേജ് എൻ.സി. ഓഫീസർ ക്യാപ്റ്റൻ ജിജോ കെ ജോസഫ് എന്നിവർ ആശംസയും അറിയിച്ചു. കാതോലിക്കേറ്റ് കോളേജ് അസിസ്റ്റൻ്റ് പ്രോഫസർ സൗമ്യ ജോസ് യോഗ ക്ലാസ്സ് നയിച്ചു. ചടങ്ങിന് എൻ. എസ്. എസ്. പ്രോഗ്രാം ഓഫീസർ ഡോ. തോമസ് എബ്രഹാം കൃതജ്ഞത രേഖപ്പെടുത്തി. എൻ. സി. സി 14K പത്തനംതിട്ട ബറ്റാലിയൻ ഓഫീസർമാർ ചടങ്ങിൽ സംബന്ധിച്ചു.
