പന്തളം : മഹാദേവ ക്ഷേത്രത്തിലെ തിരുവുത്സവത്തോടനുബന്ധിച്ച് ഉന്നത വിജയം നേടിയ വിദ്യാർത്ഥികൾക്കായി സംഘടിപ്പിച്ച അവാർഡ് ദാന ചടങ്ങ് പന്തളം മുനിസിപ്പൽ ചെയർപേഴ്സൺ ശ്രീമതി സുശീല സന്തോഷ് ഉദ്ഘാടനം ചെയ്തു. സമിതി പ്രസിഡന്റ് എം.ജി.ബിജുകുമാർ അദ്ധ്യക്ഷത വഹിച്ച ചടങ്ങിൽ സെക്രട്ടറി ഗോപു സി.എം സ്വാഗതം ആശംസിച്ചു. പന്തളം കൊട്ടാരം നിർവ്വാഹക സമിതി ഭാരവാഹികളായ ശശികുമാര വർമ്മ , നാരായണ വർമ എന്നിവർ ആശംസകൾ നേർന്നു. വൈസ് പ്രസിഡന്റ് വിജയകുമാർ മഞ്ചാടി , ജോ. സെക്രട്ടറി പ്രദീപ് കുമാർ , ഖജാൻജി അനിൽകുമാർ എന്നിവർ ചടങ്ങിൽ സന്നിഹിതരായിരുന്നു.
