തിരുവല്ല : തിരുവല്ല റവന്യൂ ടവർ പരിസരത്ത് പാർക്ക് ചെയ്തിരുന്ന കാറിന് തീ പിടിച്ചു. കാറിന്റെ ബോണറ്റിനുളളിൽ പടർന്ന തീ അഗ്നി ശമന സേനയെത്തി അണച്ചു. ഇന്നുച്ച കഴിഞ്ഞ് മൂന്ന് മണിയോടെ ആയിരുന്നു സംഭവം. താലൂക്ക് ആശുപത്രി – റവന്യൂ ടവർ റോഡിൽ പാർക്ക് ചെയ്തിരുന്ന തുകലശ്ശേരി കണ്ടത്തിൽ പറമ്പിൽ വീട്ടിൽ അന്നമ്മ വർഗീസിന്റെ ഉടമസ്ഥതയിലുള്ള കാറിനാണ് തീപിടിച്ചത്. കാറിന്റെ ബോണറ്റിനുളളിൽ നിന്നും തീയാളുന്നത് കണ്ട സമീപത്തെ സ്ഥാപന ഉടമ ഫയർ ഫോഴ്സിൽ വിവരമറിയിച്ചു. ഉടൻ തന്നെ സംഭവ സ്ഥലത്തെത്തിയ സ്റ്റേഷൻ ഓഫീസർ ആർ. ബാബുവിന്റെ നേതൃത്വത്തിലുള്ള അഗ്നിശമന സേനാ അംഗങ്ങൾ ചേർന്ന് തീ നിയന്ത്രണ വിധേയമാക്കുകയായിരുന്നു.
തിരുവല്ലയിൽ പാർക്ക് ചെയ്തിരുന്ന കാറിന് തീ പിടിച്ചു
RECENT NEWS
Advertisment