വാരാണസി: പ്രശസ്ത ഭോജ്പുരി നടി ആകാംക്ഷ ദുബേയെ വാരാണസി നഗരത്തിലെ ഹോട്ടല്മുറിയില് മരിച്ച നിലയില് കണ്ടെത്തി. 25 കാരിയായ നടിയെ ഫാനില് തൂങ്ങിമരിച്ച നിലയില് കണ്ടെത്തുകയായിരുന്നു. പുതിയ ചിത്രമായ നായികിന്റെ ചിത്രീകരണത്തിനാണ് ഇവര് നഗരത്തിലെത്തിത്. മരിക്കുന്നതിന് മുമ്പ് ഇവര് കണ്ണീരണിഞ്ഞ് ഇന്സ്റ്റ്ഗ്രാം ലൈവില് പ്രത്യക്ഷപ്പെട്ടിരുന്നു. രാവിലെ ഒമ്പതിന് മേക്കപ്പ് ബോയ് വിളിച്ച വേളയിലാണ് മരിച്ച നിലയില് കാണപ്പെട്ടത്. മിര്സാപൂര് സ്വദേശിയാണ്. മൃതദേഹം പോസ്റ്റ്മോര്ട്ടത്തിന് അയച്ചിട്ടുണ്ടെന്നും പോലീസ് വിഷയം അന്വേഷിക്കുകയാണെന്നും വാരണാസി പോലീസ് കമ്മീഷണറേറ്റ് പ്രസ്താവനയില് പറഞ്ഞു.
25 വയസ്സുള്ള ഇവര് മേരി ജുങ് മേരാ ഫൈസല എന്ന ചിത്രത്തിലൂടെയാണ് അഭിനയരംഗത്തെത്തിയത്. ഭോജ്പുരി നടി ആകാന്ക്ഷ ദുബെ വരാനിരിക്കുന്ന ഒരു പ്രോജക്റ്റിന്റെ ചിത്രീകരണത്തിനായി വാരണാസിയില് എത്തിയതായി റിപ്പോര്ട്ട്. ചിത്രീകരണത്തിന് ശേഷം നടി അവിടെയുള്ള സാരാനാഥ് ഹോട്ടലിലേക്ക് പോയി. ഹോട്ടല് മുറിയിലാണ് നടിയെ മരിച്ച നിലയില് കണ്ടെത്തിയത്. സംഭവത്തില് പോലീസ് അന്വേഷണം ആരംഭിച്ചിട്ടുണ്ട്.