കല്‍പ്പറ്റ : വീടിന് മുകളില്‍ തെങ്ങ് കടപുഴകി വീണ് വീട്ടമ്മയ്ക്ക് പരുക്ക്. ഇന്ന് ഉച്ചയോടെയാണ് സംഭവം ഉണ്ടായത്. നടവയല്‍ പുഞ്ചക്കുന്ന് സ്വദേശി ഷനലേഷിന്റെ ഭാര്യ സീതയ്ക്കാണ് അപകടത്തില്‍ പരുക്കേറ്റത്. ഇവരെ ആശുപത്രിയില്‍ പ്രവേശിപ്പിച്ചിരിക്കുകയാണ്. അപകടത്തില്‍ വീടിന്റെ മേല്‍കൂര തകര്‍ന്നു.
വീട്ടമ്മയുടെ പരിക്ക് ഗുരുതരമല്ലെന്ന് ആശുപത്രി വൃത്തങ്ങള്‍ അറിയിച്ചു. വീടിന് മുകളില്‍ തെങ്ങ് കടപുഴകി വീണ സമയം വീട്ടില്‍ മറ്റാരും ഉണ്ടായിരുന്നില്ല. അതിനാല്‍ വലിയ ഒരു അപകടം ഒഴിവായി.
