മല്ലപ്പള്ളി : നിയമങ്ങൾ കാറ്റിൽപറത്തി ടിപ്പറുകളുടെ മരണപ്പാച്ചിൽ. പാറ ഉത്‌പന്നങ്ങൾ വാഹനങ്ങളിൽനിന്ന് റോഡിൽ വീഴുന്നത് അപകടത്തിനിടയാക്കുന്നുണ്ട്. ഇരുചക്ര വാഹനങ്ങൾക്കാണ് ഇത് കാര്യമായ ഭീഷണിയാകുന്നത്. എഴുമറ്റൂർ, ചുങ്കപ്പാറ, ആനിക്കാട്, മല്ലപ്പള്ളി തുടങ്ങിയ സ്ഥലങ്ങളിലാണ് മല്ലപ്പള്ളി താലൂക്കിലെ പ്രധാന ക്രഷറുകളും പാറമടകളും. ഇവിടെനിന്നുള്ള വഴികളെല്ലാം ടിപ്പർ ലോറികളുടെ തിരക്കിൽ അപകടമേഖലയായി മാറിയിട്ടുണ്ട്. ലോഡുമായി പോകുന്ന വാഹനങ്ങൾ മൂടിവേണം കൊണ്ടുപോകേണ്ടതെന്ന് നിയമം ഉണ്ടെങ്കിലും വണ്ടിക്കാർ തീരെ അലക്ഷ്യമായാണ് കൈകാര്യം ചെയ്യുന്നത്. പ്ലാസ്റ്റിക് ചാക്കുകൾ തയ്ച്ച് എടുത്ത മേൽമൂടി കീറിപ്പറിഞ്ഞ് പറക്കുമ്പോൾ പാറപ്പൊടിയും മെറ്റലും ഒപ്പമുണ്ടാകും. മടകളിൽനിന്ന് അമിതഭാരവുമായി വരുന്ന ലോറികൾ അധികവേഗത്തിൽ വളവുകൾ തിരിയുമ്പോൾ തെറിച്ച് വീഴുന്നത് കൂറ്റൻ കല്ലുകൾ. ഏതാനുംമാസം മുമ്പ് വാലാങ്കര പൂവത്തിളപ്പ് വളവിൽ ലോറിയിൽനിന്ന് വീണതും ഇത്തരം കരിങ്കല്ലുകളായിരുന്നു.
WANTED MARKETING MANAGER
സംസ്ഥാന സര്‍ക്കാരിന്റെ ഇന്‍ഫര്‍മേഷന്‍ & പബ്ലിക് റിലേഷന്‍സ് ഡിപ്പാര്‍ട്ട്മെന്റിന്റെ (I&PRD) അംഗീകാരമുള്ള പ്രമുഖ ഓണ്‍ലൈന്‍ ന്യൂസ് ചാനല്‍ ആയ പത്തനംതിട്ട മീഡിയായില്‍ (www.pathanamthittamedia.com) മാര്‍ക്കറ്റിംഗ് മാനേജരുടെ ഒഴിവുണ്ട്. യോഗ്യരായ ഉദ്യോഗാര്‍ത്ഥികളില്‍ നിന്നും അപേക്ഷകള്‍ ക്ഷണിക്കുന്നു. ഏതെങ്കിലും മാധ്യമ സ്ഥാപനത്തിന്റെ പരസ്യ വിഭാഗത്തില്‍ മുന്‍പരിചയം ഉണ്ടായിരിക്കണം. പത്തനംതിട്ടയിലെ ഓഫീസ് കേന്ദ്രീകരിച്ചായിരിക്കും ജോലി. താല്‍പ്പര്യമുള്ളവര്‍ പാസ്പോര്‍ട്ട് സൈസ് ഫോട്ടോ സഹിതം വിശദമായ ബയോഡാറ്റാ മെയില്‍ ചെയ്യുക. [email protected] കൂടുതല്‍ വിവരങ്ങള്‍ക്ക് 94473 66263, 85471 98263, 0468 2333033 എന്നീ നമ്പരുകളില്‍ ബന്ധപ്പെടാം.
