പത്തനംതിട്ട : കേരളത്തിലെ വിദ്യാഭ്യാസരംഗം കാലോചിതമായി പരിഷ്കരിക്കപ്പെടണമെന്ന് ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പിൽ പറഞ്ഞു. മൈലപ്ര മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ മൈലപ്ര പഞ്ചായത്തിലെ പതിനാല് വാർഡുകളിൽ നിന്നും തിരഞ്ഞെടുത്ത നൂറ് വിദ്യാർത്ഥികൾക്ക് സൗജന്യമായി നല്കിയ പഠനോപകരണങ്ങളുടെ വിതരണ ഉദ്ഘാടനം നിർവഹിച്ച് സംസാരിക്കുകയായിരുന്നു അദ്ദേഹം. പുതുതായി അധികാരത്തിലെത്തിയ യു.ഡി.എഫ് സർക്കാർ സിലബസിൽ ഉൾപ്പെടെ കാതലായ പരിഷ്കരണം നടത്തി വിദ്യാർത്ഥികൾക്ക് കൂടുതൽ പ്രയോജനമുള്ളതാക്കുമെന്ന്അദ്ദേഹം പറഞ്ഞു.
മണ്ഡലം പ്രസിഡന്റ് ലിബു മൈലപ്ര അദ്ധ്യക്ഷത വഹിച്ചു. ഡി.സി.സി സംഘടനാകാര്യ ജനറൽ സെക്രട്ടറി സാമുവൽ കിഴക്കുപുറം മുഖ്യപ്രഭാഷണം നടത്തി. ജില്ലാ പഞ്ചായത്ത് സ്ഥിരം സമിതി അദ്ധ്യക്ഷ എം.വി അമ്പിളി, ബ്ലോക്ക് കോൺഗ്രസ് പ്രസിഡന്റ് ആർ. ദേവകുമാർ, ജയിംസ് കീക്കരിക്കാട്ട്, മാത്യു തോമസ്, എസ്.സുനിൽകുമാർ, മഞ്ജു സന്തോഷ്, ക്യാപ്റ്റൻ സി.വി വർഗീസ്, ബിന്ദു ബിനു, എൽസി ഈശോ, ശോശാമ്മ ജോൺസൺ, തോമസ് ഏബ്രഹാം, എ.കെ സുരേന്ദ്രൻ, വി.കെ സാമുവൽ, ലില്ലിക്കുട്ടി ജോൺ, ഏബ്രഹാം മാത്യു, സി.വി വർഗീസ്, മാത്തുകുട്ടി ചാമക്കാലായിൽ, ജനകമ്മ ശ്രീധരൻ, പി.എ ജോൺസൺ എന്നിവർ പ്രസംഗിച്ചു.
