കോഴിക്കോട് : കോഴിക്കോട് അനിയന്റെ മർദനമേറ്റ് ജ്യേഷ്ഠൻ മരിച്ചു. ചെറുവണ്ണൂർ സ്വദേശി ചന്ദ്രഹാസനാണ് മരിച്ചത്. സ്വത്ത് തർക്കത്തിനിടെ സഹോദരൻ ഇയാളുടെ തലയ്ക്ക് അടിക്കുകയായിരുന്നു. മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ ഇന്ന് ഉച്ചയോടെയാണ് മരണം സംഭവിച്ചത്. രണ്ട് ദിവസം മുമ്പാണ് ചന്ദ്രഹാസന് മർദനമേറ്റത്. 10 സെന്റ് ഭൂമിയെ ചൊല്ലി സഹോദരൻമാർ തമ്മിൽ നേരത്തെ തർക്കമുണ്ടായിരുന്നു. കഴിഞ്ഞ ദിവസം തർക്കഭൂമിയിലെ മാവിൽ നിന്ന് മാങ്ങ പറിക്കാനായി ചന്ദ്രഹാസൻ എത്തിയപ്പോൾ സ്വത്ത് ഭാഗം വെക്കണമെന്ന് സഹോദരൻ ആവശ്യപ്പെട്ടു. ഇത് കഴിയില്ലെന്ന് ചന്ദ്രഹാസൻ പറഞ്ഞതോടെയാണ് തർക്കമുണ്ടായതും അടിപിടിയിൽ കലാശിച്ചതും.
