കോന്നി: കഴിഞ്ഞദിവസം കോന്നിയില് നടന്ന വാഹനാപകടത്തില് മരിച്ച കോന്നി ബ്ലോക്ക് കോൺഗ്രസ് ജനറൽ സെക്രട്ടറി പ്രകാശ് പേരങ്ങാടിന്റെ (57) സംസ്കാരം ശനിയാഴ്ച 2 മണിക്ക് കോന്നി അട്ടച്ചാക്കല് സെന്റ് തോമസ് മാര്ത്തോമ്മാ പള്ളിയില് നടക്കും. അട്ടച്ചാക്കല് പേരങ്ങാട്ട് മലയില് പി.എം ചെറിയാന്റെയും (ജോയി) പരേതയായ ആലീസ് ചെറിയാന്റെയും മകനാണ്. ഗാന്ധി ദർശൻ വേദി നിയോജക മണ്ഡലം പ്രസിഡന്റ്, ജനശ്രീ മിഷൻ കോന്നി മണ്ഡലം ചെയർമാൻ എന്നീ പദവികളും വഹിച്ചിരുന്നു. മകന് – എബിന് മാത്യു. സഹോദരങ്ങള് – ലളിത ജേക്കബ് & ജേക്കബ് വി.ജേക്കബ്, അലക്സാണ്ടര് പി.സി (കൊച്ചുമോന്) & ജെമി അലക്സാണ്ടര്.
ശനിയാഴ്ച രാവിലെ 7 മണിക്ക് പത്തനംതിട്ട ക്രിസ്ത്യന് മെഡിക്കല് സെന്റര് മോര്ച്ചറിയില് നിന്നും പുറപ്പെടുന്ന വിലാപയാത്ര 7.30 ന് കോന്നി കോണ്ഗ്രസ് ഭവനില് എത്തിച്ചേരും. അരമണിക്കൂര് പൊതുദര്ശനത്തിനു ശേഷം എട്ടരയോടെ അട്ടച്ചാക്കല് – ചെങ്ങറ റോഡിലുള്ള ഭവനത്തില് എത്തിച്ചേരും. ഒരു മണിക്ക് ഭവനത്തിലെ ശുശ്രൂഷയും 2 മണിക്ക് ദേവാലയത്തിലെ ശുശ്രൂഷയും നടക്കും. Live streaming 07 am – www.vsquaretv.com/prakashperangattu ഫോണ് – 99463 28987.
