പത്തനംതിട്ട : മലയോര കർഷകർക്ക് യു.ഡി.എഫ് സർക്കാർ നല്കിയ പട്ടയം ഇല്ലാതാക്കി പിണറായി സർക്കാർ ജനനങ്ങളെ വഞ്ചിച്ചതായി ഡി.സി.സി പ്രസിഡന്റ് പ്രൊഫ. സതീഷ് കൊച്ചു പറമ്പിൽ പറഞ്ഞു. തണ്ണിത്തോട് ബ്ലോക്ക് കോൺഗ്രസ് പ്രവർത്തക യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. റബ്ബറിന്റെ താങ്ങുവില വർദ്ധിപ്പിക്കാത്ത വന്യമൃഗ ശല്യത്തിൽ നിന്നും കാർഷിക വിളകളെ രക്ഷിക്കാൻ നടപടി സ്വീകരിക്കാതിരിക്കുന്നതും മലയോര കർഷകരെ ദുരിതത്തിലാക്കിയിരിക്കുകയാണെന്നും ഇത് പരിഹരിക്കുവാൻ നടപടി വേണമെന്നും ഡി.സി.സി പ്രസിഡന്റ് ആവശ്യപ്പെട്ടു. ബ്ലോക്ക് പ്രസിഡന്റ് ആർ.ദേവകുമാർ അദ്ധ്യക്ഷത വഹിച്ചു.
ഡി.സി.സി ഭാരവാഹികളായ സാമുവൽ കിഴക്കുപുറം, ഹരികുമാർ പൂതങ്കര, എലിസബത്ത് അബു, ഡി.സി.സി അംഗങ്ങളായ പ്രൊഫ. കെ.വി തോമസ്, ജെയിംസ് കീക്കരിക്കാട്ട്. ബ്ലോക്ക് ഭാരവാഹികളായ വി.സി ഗോപിനാഥപിള്ള, സി.വി ശാന്തകുമാർ, ലില്ലി ബാബു, ജോയിക്കൂട്ടി, മണ്ഡലം പ്രസിഡന്റുമാരായ ദിലീപ്കുമാർ പൊ തീപ്പാട്, വിത്സൺ തുണ്ടിയത്ത്, ബിജു മാത്യു, സണ്ണി ചള്ളക്കൽ, സന്തോഷ്കുമാർ, സേവാദൾ നിയോജക മണ്ഡലം ചെയർമാൻ ജോയി തോമസ്, പ്രവാസി കോൺഗ്രസ് കോന്നി ബ്ലോക്ക് പ്രസിഡന്റ് രാജീവ് സത്യപാലൻ, ഇ എം മത്തായി, സാംകുട്ടി തണ്ണിത്തോട്, ഉഷ. എസ് നായർ, സുസൻ, റ്റി. ജെ ശോഭ, സുജാ മാത്യു എന്നിവർ പ്രസംഗിച്ചു.
