തിരുവനന്തപുരം : ജന്മനാട്ടിലെത്തുന്ന പ്രവാസികളുടെ സംരക്ഷണം ഉറപ്പു വരുത്താന്‍ ആവശ്യമായ നടപടികള്‍ സംസ്ഥാന സര്‍ക്കാര്‍ ആവിഷ്കരിക്കുമെന്ന് വ്യവസായ മന്ത്രി ഇ. പി ജയരാജന്‍ പറഞ്ഞു. തിരിച്ചു വരുന്നവരുടെ തുടര്‍ന്നുള്ള ജീവിതം മെച്ചപ്പെടുത്താന്‍ അവരുടെ സമഗ്രമായ വിവര ശേഖരണത്തിന് തുടക്കം കുറിച്ചിട്ടുണ്ടെന്നും മന്ത്രി പറഞ്ഞു.
പ്രവാസികള്‍ക്കായി നിരവധി ക്ഷേമപ്രവര്‍ത്തനങ്ങള്‍ സര്‍ക്കാര്‍ നടപ്പാക്കുന്നുണ്ട്. വ്യവസായ വകുപ്പ് ഒരു പോര്‍ട്ടല്‍ തയ്യാറാക്കുന്നുണ്ട്. www.industry.kerala.gov.in എന്ന വെബ്സൈറ്റിലൂടെ പ്രവാസികളുടെ വിവരശേഖരണം നടത്തും. ഈ വിവരങ്ങളിലൂടെ വ്യവസായ വകുപ്പിന്റെ സംരംഭങ്ങളില്‍ അവരെ കൂടെ ഉള്‍പ്പെടുത്താന്‍ കഴിയും. എല്ലാവരും ഇതിന്റെ ഭാഗമാകണം. ഇതിലൂടെ അവരവരുടെ നൈപുണ്യം മനസിലാക്കി അതിന് അനുസൃതമായി വ്യവസായ സ്ഥാപനങ്ങള്‍ ആരംഭിക്കാനാകും അതിനുള്ള സൗകര്യം വ്യവസായ വകുപ്പ് ഒരുക്കുമെന്നും മന്ത്രി പറഞ്ഞു.
