പത്തനംതിട്ട നഗരസഭ ആയുർവേദ ആശുപത്രിയുടെ പുതിയ ബ്ലോക്കിന്‍റെ ഉദ്ഘാടനവും നാമകരണവും ഇന്ന് നടക്കും

പത്തനംതിട്ട  : പത്തനംതിട്ട നഗരസഭ ആയുർവേദ ആശുപത്രിയുടെ പുതിയ ബ്ലോക്കിന്‍റെ  ഉദ്ഘാടനവും നാമകരണവും ഇന്ന് നടക്കും. പുതിയ ബ്ലോക്കിന്‍റെ ഉദ്ഘാടനം ആരോഗ്യ വകുപ്പ് മന്ത്രി വീണ ജോർജും നാമകരണം നഗരസഭ ചെയർമാൻ അഡ്വ. ടി സക്കീർ ഹുസൈനും നിർവഹിക്കും. സാമൂഹിക രാഷ്ട്രീയ രംഗങ്ങളിലെ സജീവ സാന്നിധ്യമായിരുന്ന ഡോ. കെ ആർ ബാലകൃഷ്ണപിള്ളയുടെ സ്മരണ നിലനിർത്താൻ അദ്ദേഹത്തിന്‍റെ പേര് പുതിയ ബ്ലോക്കിന് നൽകാൻ നഗരസഭ കൗൺസിൽ ഐക്യകണ്ഠേന തീരുമാനിക്കുകയായിരുന്നു. ഗ്രാമീണാന്തരീക്ഷത്തിൽ നിന്നും പത്തനംതിട്ടയെ നഗരവൽക്കരണത്തിലേക്ക് ആനയിച്ച ഡോക്ടറോടുള്ള ആദര സൂചകമായാണ് ഈ തീരുമാനം കൈക്കൊണ്ടത്.

ഭരണസമിതിയുടെ രണ്ടാം വാർഷിക ആഘോഷത്തോടനുബന്ധിച്ച് നാടിന് സമർപ്പിക്കുന്ന പദ്ധതികളിൽ ഒന്നാണിത്. ആയുർവേദ ഡിഗ്രികാർക്ക് ഡോക്ടർ പദവി നേടിക്കൊടുത്തത് ഡോ.ബാലകൃഷ്ണപിള്ളയുടെ നേതൃത്വത്തിൽ നടന്ന സമരമായിരുന്നു. പത്തനംതിട്ട നഗരസഭയാകുന്നതിന് മുൻപ് 16 വർഷം തുടർച്ചയായി പത്തനംതിട്ട പഞ്ചായത്തിന്‍റെ വൈസ് പ്രസിഡന്റായി അദ്ദേഹം സേവനം അനുഷ്ഠിച്ചു. പത്തനംതിട്ട താഴൂർ കടവ് റോഡ് നിർമാണം, മുള്ളനിക്കാട് – കൊടുന്തറ വെയർ ഹൗസ് റോഡുകൾ, പത്തനംതിട്ട താലൂക്ക് ആശുപത്രി സ്ഥാപനം, കെഎസ്ആർടിസി ബസ് സ്റ്റേഷന്റെ വികസനത്തിന് വേണ്ടി നടന്ന സമരം ഇവയുടെയെല്ലാം നേതൃത്വം അദ്ദേഹത്തിനായിരുന്നു.

ഡോ. ബാലകൃഷ്ണപിള്ള എന്ന ജന നേതാവിനോട് നീതിപുലർത്തണമെന്ന ഏറെക്കാലമായുള്ള ആവശ്യമാണ് ഇപ്പോൾ അംഗീകരിക്കപ്പെടുന്നത്. ഒരു പ്രൊഫഷണലായിരിക്കെ തന്നെ ലക്ഷ്യവേദിയായ സമരങ്ങളിലൂടെ സമൂഹത്തിന് നേട്ടം ഉണ്ടാക്കിയ അദ്ദേഹത്തെ പുതുതലമുറയ്ക്ക് പരിചയപ്പെടുത്താനും ഓർമ്മ നിലനിർത്താനും ഇതിലൂടെ സാധിക്കും.

പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം  എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍   702555 3033/ 94473 66263 /0468  295 3033 / mail – [email protected]
———————-
ചീഫ് എഡിറ്റര്‍  – 94473 66263, 85471 98263, 0468 2333033