ബംഗളൂരു: കര്ണാടകയില് ബസില് നിന്ന് യുവാവിനെ പുറത്തേയ്ക്ക് വലിച്ചിഴച്ച് മര്ദ്ദിച്ച സംഭവത്തില് നാലുപേര്ക്കെതിരെ കേസ്. 22 വയസുള്ള മുഹമ്മദ് സഹീറിനെയാണ് അക്രമിസംഘം ബസില് നിന്ന് പുറത്തേയ്ക്ക് വലിച്ചിഴച്ചത്. നിതേഷ്, സച്ചിന്, ദിനേഷ്, അവിനാഷ് എന്നിവര്ക്കെതിരെയാണ് കേസെടുത്തിരിക്കുന്നത്. ബസില് യുവതിയോട് സംസാരിച്ചതിനാണ് 22 കാരനെ പുറത്തേയ്ക്ക് വലിച്ചിഴച്ച് മര്ദ്ദിച്ചത്. പിടിയിലായവര് സഹീറിന്റെ പരിചയക്കാരാണ്.
സാഹീര് ബസില് യാത്ര ചെയ്യുകയായിരുന്നുവെന്നും സുഹൃത്തായ പെണ്കുട്ടിയെ കണ്ട് അവന് അടുത്തിരുന്ന് അവളോട് സംസാരിച്ചു. ബെല്ത്തങ്ങാടിയിലാണ് പെണ്കുട്ടി ബസില് നിന്ന് ഇറങ്ങിയത്. പെണ്കുട്ടിയോട് സാഹീര് സംസാരിക്കുന്നത് നിരീക്ഷിച്ച സംഘം അടിപിടി ഉണ്ടാക്കിയതായി പോലീസ് പറയുന്നു. ചൊവ്വാഴ്ച വൈകുന്നേരമാണ് സംഭവം. ബസില് യുവതിയോട് സഹീര് സംസാരിച്ചതാണ് പ്രകോപനത്തിന് കാരണമെന്നും പോലീസ് പറയുന്നു.
