റാന്നി: ചേത്തയ്ക്കല് സര്വ്വീസ് സഹകരണ ബാങ്കിലേക്ക് നടന്ന ഭരണസമിതി തിരഞ്ഞെടുപ്പില് മുഴുവന് സീറ്റുകളും ഇടതുപക്ഷ ജനാധിപത്യ മുന്നണി നേതൃത്വം നല്കിയ സഹകരണ സംരക്ഷണ മുന്നണി വിജയിച്ചു. ബാങ്ക് രൂപീകരിച്ച ശേഷം ആദ്യമായാണ് എല്.ഡി.എഫ് ഭരണസമിതി അധികാരത്തില് വരുന്നത്. ജനറല് മണ്ഡലത്തിലേക്കാണ് മത്സരം നടന്നത്. മറ്റ് മണ്ഡലങ്ങളിലേക്കുള്ള സീറ്റുകളില് ഭരണസമിതിയംഗങ്ങളെ എതിരില്ലാതെ തിരഞ്ഞെടുത്തിരുന്നു. സിറിയക് തോമസ്, പി.ആര് ഷിജി, രാജേഷ് ടി.ചാക്കോ, വര്ഗീസ് യോഹന്നാന്, വി.എസ് രാധാകൃഷ്ണന് എന്നിവരാണ് വിജയികള്.
നിക്ഷേപമണ്ഡലത്തില് രാജേന്ദ്രന് പിള്ള, വനിതാ മണ്ഡലത്തില് ജോയ്സി ചാക്കോ, പ്രിയ ഷാജി, നീതു ജിനു, സംവരണ മണ്ഡലത്തില് ടി.ആര് നന്ദകുമാര്, പി.എസ് സാന്റു എന്നിവര് എതിരില്ലാതെ തെരഞ്ഞെടുക്കപ്പെട്ടിരുന്നു. തെരഞ്ഞെടുക്കപ്പെട്ട പുതിയ ഭരണ സമിതിയംഗങ്ങള് അധികാരമേറ്റു. ആദ്യ യോഗത്തില് സിറിയക് തോമസിനെ പ്രസിഡണ്ടായും, പി.ആര് ഷിജിയെ വൈസ് പ്രസിഡണ്ടായും തെരഞ്ഞെടുത്തു. സഹകരണ സംഘം രജിസ്ട്രാര് ജാസ്മിന് ജോയി വരണാധികാരി ആയിരുന്നു.
സഹകരണ സംരക്ഷണ മുന്നണി നേതൃത്വത്തില് വാകത്താനത്തു നിന്നും ഇടമണ്ണിലേക്ക് വിജയാഹ്ളാദ പ്രകടനവും യോഗവും നടത്തി. യോഗം സി.പി.ഐ(എം) ജില്ലാ സെക്രട്ടറിയേറ്റംഗം കോമളം അനിരുദ്ധന് ഉദ്ഘാടനം ചെയ്തു. തിരഞ്ഞെടുപ്പ് കമ്മറ്റി ചെയര്മാന് എം.വി പ്രസന്നകുമാര് അധ്യക്ഷത വഹിച്ചു. സി.പി.ഐ മണ്ഡലം സെക്രട്ടറി ജോജോ കോവൂര്, തിരഞ്ഞെടുപ്പ് കമ്മറ്റി ജനറല് കണ്വീനര് വി.കെ സണ്ണി, ജോജി കൊല്ലമുള, ആര് വരദരാജന്, ആന്സന് തോമസ്, വി.എം പ്രകാശ്, ജോണ്സന് പുല്ലാട്ട്, എസ് ബാലശങ്കര് എന്നിവര് പ്രസംഗിച്ചു.
