പത്തനംതിട്ട : സമസ്ത മേഖലയിലും ജനങ്ങളെ ദ്രോഹിച്ചുകൊണ്ട് മുന്നോട്ടുപോകുന്ന ഇടത് ഭരണം കേരളത്തെ നരകതുല്യമാക്കിയെന്ന് ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് പ്രസ്താവിച്ചു. ഐക്യ കേരളം രൂപീകരിച്ചതിനുശേഷം പല മുഖ്യമന്ത്രിമാര് കേരളം ഭരിച്ചെങ്കിലും പിണറായി വിജയനെപ്പോലെ ജനവിരുദ്ധനായ മുഖ്യമന്ത്രി കേരളത്തില് ഉണ്ടായിട്ടില്ലെന്ന് പ്രൊഫ. സതീഷ് കൊച്ചുപറമ്പില് പറഞ്ഞു. അഡ്വ. ജെബി മേത്തര് എം.പി നയിക്കുന്ന മഹിളാ സാഹസ് കേരള യാത്രയുടെ അയിരൂര് മണ്ഡലത്തിലെ സ്വീകരണ സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
മഹിളാ കോണ്ഗ്രസ് മണ്ഡലം പ്രസിഡന്റ് ജോളി അഗസ്റ്റിന്റെ അദ്ധ്യക്ഷതയില് ചേര്ന്ന യോഗത്തില് യു.ഡി.എഫ് ജില്ലാ കണ്വീനര് എ. ഷംസുദ്ദീന്, മുൻ എം.എൽ.എ. മാലേത്ത് സരളാദേവി, കെ.പി.സി.സി സെക്രട്ടറി റിങ്കു ചെറിയാന്, ഡി.സി.സി ഭാരവാഹികളായ അഡ്വ. ലാലു ജോണ്, സജി കൊട്ടയ്ക്കാട്, എലിസബത്ത് അബു, കെ. ജാസിംകുട്ടി, സതീഷ് ബാബു, മഹിള കോണ്ഗ്രസ് ജില്ലാ പ്രസിഡന്റ് രജനി പ്രദീപ്, മിനി സെബാസ്റ്റ്യന്, സുധാ നായര്, ലാലി ജോണ്, തോമസ് ദാനിയേല്, അഡ്വ. ശ്രീകല ഹരികുമാര്, പ്രൊഫ. പി.കെ. മോഹന്രാജ്, മേഴ്സി പാണ്ടിയത്ത്, റെജി താഴമണ്, അബിനു അയിരൂര് തുടങ്ങിയവര് പ്രസംഗിച്ചു.
