വയനാട് : വെള്ളിയാഴ്ച രാവിലെ കിണറ്റില്‍ വീണ പുള്ളിപ്പുലിയെ മണിക്കൂറുകള്‍ നീണ്ട ശ്രമത്തിനൊടുവില്‍ പുറത്തെത്തിച്ചു. മയക്കുവെടി വെച്ചാണ് കരയ്ക്ക് കയറ്റിയത്. തലപ്പുഴ പുതിയിടം മൂത്തേടത്ത് ജോസിന്‍റെ വീട്ടിലെ കിണറ്റിലാണ് രാവിലെ പുലി വീണത്. പത്തുമണിക്കൂറോളം പുലി കിണറ്റില്‍ കിടന്ന ശേഷമാണ് രക്ഷപ്പെടുത്താനായത്. തമിഴ്‌നാട് മുതുമലയില്‍ നിന്ന് വിദഗ്ധ സംഘം സ്ഥലത്ത് എത്തിയിരുന്നു. കിണറ്റില്‍ ധാരാളം വെള്ളമുണ്ടായിരുന്നതിനാല്‍ മോട്ടോര്‍ ഉപയോഗിച്ച് കുറേയധികം വെള്ളം വറ്റിച്ചു. പുലിയെ കൂട്ടിലേയ്ക്ക് മാറ്റാനുള്ള ശ്രമമാണ് നടത്തുന്നത്.
