തിരുവല്ല : ജനുവരി 18,19, 20 തീയ്യതികളിൽ തിരുവല്ലയിൽ നടക്കുന്ന മൈഗ്രേഷൻ കോൺക്ലേവിൻ്റെ (പ്രവാസി സംഗമം) ലോഗോ പ്രകാശനം ചെയ്തു. പ്രവാസിയായ പി ഇ കോശിയാണ് ലോഗോ തയ്യാറാക്കിയത്. തന്ത്രി മുഖ്യൻ അക്കീരമൺ കാളിദാസ ഭട്ടതിരി മുൻ മന്ത്രി ടി എം തോമസ് ഐസക്കിന് കൈമാറി ലോഗോ പ്രകാശനം ചെയ്തു. സംഘാടക സമിതി ചെയർമാൻ ബന്യാമീൻ അധ്യക്ഷത വഹിച്ചു. സെക്രട്ടറി എ പത്മകുമാർ. ജോയിൻ്റ് കൺവീനർ പ്രിൻസ് വലിയ കലാ, മീഡിയാ കൺവീനർ ടി എ റെജികുമാർ, അക്കോമസേഷൻ കൺവീനർ പ്രമോദ് ഇളമൺ, മാധ്യമ പ്രവർത്തക അനുഷാ പോൾ. അജിത് കുമാർ എന്നിവർ സംസാരിച്ചു.
എ കെ ജി പഠന ഗവേഷണ കേന്ദ്രം, വി എസ് ചന്ദ്രശേഖരപിള്ള സ്മാരക പഠന ഗവേഷണ സംഘം എന്നിവയുടെ ആഭിമുഖ്യത്തിൽ നടക്കുന്ന കോൺക്ലേവിൽ ലോകത്തെ വിവിധ രാജ്യങ്ങളിലുള്ള ഒരു ലക്ഷം പ്രവാസികളാണ് ഓൺലൈൻ മുഖേനയും നേരിട്ടും പങ്കെടുക്കുന്നത്. 2024ൽ തിരുവനന്തപുരത്ത് നടക്കുന്ന ലോക കേരള സഭയ്ക്ക് മുന്നോടിയായി തിരുവല്ലയിൽ നടക്കുന്ന കോൺക്ലേവ് സംസ്ഥാനത്തെ ഏറ്റവും വലിയ പ്രവാസി സംഗമമാകും.
