അടൂർ : സ്കാനിങ് സെന്ററിൽ യുവതി വസ്ത്രം മാറുന്നത് മൊബൈൽ ഫോണിൽ പകർത്തിയ സംഭവത്തിൽ റേഡിയോഗ്രാഫറുടെ മൊബൈൽ ഫോൺ ഫോറൻസിക് പരിശോധനയ്ക്ക് അയച്ചു. കൂടുതൽ ദൃശ്യങ്ങൾ പകർത്തിയിട്ടുണ്ടോ എന്നറിയാനാണ് പോലീസ് നടപടി. അടൂർ ഗവ.ആശുപത്രിക്കുസമീപത്തെ ദേവി സ്കാൻസിലെ റേഡിയോഗ്രാഫറാണ് സ്കാനിങ്ങിനുവന്ന യുവതി വസ്ത്രം മാറുന്നത് ചിത്രീകരിച്ചത്. സംഭവത്തിൽ കൊല്ലം മടത്തറ നിധീഷ് ഭവനത്തിൽ എ.എൻ.അൻജിതി (24)നെ കഴിഞ്ഞദിവസം അറസ്റ്റ് ചെയ്തിരുന്നു.
