കുന്നന്താനം : കാർഷിക പെരുമയില്‍ പണ്ട് പ്രധാന സ്ഥാനമുണ്ടായിരുന്ന കോതവിളച്ചാലിന്‍റെ നവീകരണം ഇനിയും തുടങ്ങിയില്ല. വർഷങ്ങളായി പായലും പോളയും ചെളിയും നിറഞ്ഞുകിടക്കുന്ന അവസ്ഥയിലാണ് ചെങ്ങരൂർച്ചിറ കോതവിളച്ചാല്‍. പതിനഞ്ചാം ധനകാര്യ കമ്മിഷന്‍റെ പദ്ധതിയിൽ 15.5 ലക്ഷം രൂപ ചെലവഴിച്ചുള്ള നവീകരണ പ്രവൃത്തികളാണ് മാസങ്ങൾക്ക് മുമ്പ് വിഭാവനം ചെയ്തത്. എന്നാൽ നാളിതുവരെയായിട്ടും പ്രവൃത്തികൾ ആരംഭിച്ചിട്ടില്ല. ചാലിൽ നിറഞ്ഞിരിക്കുന്ന പോളയും പായലും നീക്കം ചെയ്യുക, വശങ്ങളിൽ തിട്ട രൂപപ്പെടുത്തുക, ചാലിന്‍റെ ആഴം വര്‍ധിപ്പിക്കുക, ഇവിടേക്കെത്തുന്ന തോടുകളിലെ നീരൊഴുക്ക് സുഗമമാക്കുക എന്നിവയ്ക്കാണ് പദ്ധതി തയാറാക്കിയത്.
മല്ലപ്പള്ളി–കുന്നന്താനം–തിരുവല്ല റോഡിൽ ചെങ്ങരൂർച്ചിറയ്ക്കു സമീപമുള്ള ചാൽ ഒരുകാലത്ത് നെൽപാടങ്ങൾക്കും സമീപപ്രദേശങ്ങൾക്കും ആവശ്യമായ ജലസമൃദ്ധിക്കും പ്രയോജനം ചെയ്തിരുന്നു. കൂടാതെ മത്സ്യസമ്പത്തിന്‍റെയും കേന്ദ്രമായിരുന്നു ഇവിടം. ഓരോ വർഷവും മീൻ പിടിക്കുന്നതിന് പഞ്ചായത്ത് ലേലം ചെയ്ത് നൽകാറുണ്ടെങ്കിലും പഴയകാല ചാലിന്‍റെ പരിശുദ്ധി ഇപ്പോഴില്ല. വേനല്‍ കാലമാകുമ്പോഴേക്കും ജലത്തിന്‍റെ നിറം മാറും. ആഫ്രിക്കൻ പായൽ, മുള്ളൻ പായൽ, പുല്ല് എന്നിവ നിറഞ്ഞ് ചാൽ നശിക്കുകയാണ്. 2.50 ഏക്കർ വിസ്തൃതിയാണ് ചാലിനുള്ളത്.
മുണ്ടുകുഴി, പാറാങ്കൽ, ഉമിക്കുന്ന്, പൂച്ചവയൽ, ഒട്ടിയകുഴി തുടങ്ങിയ പ്രദേശങ്ങളിൽനിന്നുള്ള തോടുകളിലെ ജലം ഒഴുകിയെത്തുന്നത് ഇവിടേക്കാണ്. ഇവിടെ നിന്ന് പനയമ്പാല തോട്ടിലേക്കും. റീബിൽഡ് കേരള ഇനിഷ്യേറ്റീവ് പദ്ധതിയില്‍ ഉള്‍പ്പെടുത്തി ചെറുകിട ജലസേചനവകുപ്പ് ചാൽ സംരക്ഷിക്കുന്നതിന് 2018ൽ 2.50 കോടിയുടെ പദ്ധതി തയാറാക്കി സമർപ്പിച്ചെങ്കിലും പ്രാവർത്തികമായില്ല. പദ്ധതികൾ പലതു സമർപ്പിക്കുമെങ്കിലും നടപ്പിലാകാത്തതുമൂലം വർഷങ്ങള്‍ക്ക് മുൻപുണ്ടായിരുന്ന പ്രതാപം കൈവരിക്കാൻ കഴിയാത്ത സ്ഥിതിയാണ് ചാലിനുള്ളത്. പത്തനംതിട്ട മീഡിയാ വാര്‍ത്തകള്‍ Whatsapp ല്‍ ലഭിക്കുവാന്‍ Link എന്ന് ടൈപ്പ് ചെയ്ത് 751045 3033 എന്ന നമ്പറിലേക്ക് വാട്സ് ആപ്പ് ചെയ്യുക.
MBA, BBA ഫ്രെഷേഴ്സിന് മാധ്യമ രംഗത്ത് അവസരം
Eastindia Broadcasting Pvt. Ltd. ന്റെ ഓണ്‍ ലൈന്‍ ചാനലുകളായ PATHANAMTHITTA MEDIA (www.pathanamthittamedia.com), NEWS KERALA 24 (www.newskerala24.com) എന്നിവയുടെ മാര്‍ക്കറ്റിംഗ് വിഭാഗത്തിലേക്ക് യുവതീയുവാക്കളെ ആവശ്യമുണ്ട്. MBA, BBA ഫ്രെഷേഴ്സിനും പത്ര ദൃശ്യ മാധ്യമങ്ങളുടെ പരസ്യ വിഭാഗത്തില്‍ പരിചയമുള്ളവര്‍ക്കും അപേക്ഷിക്കാം. അപേക്ഷകള്‍ [email protected] ലേക്ക് അയക്കുക. പാസ്പോര്‍ട്ട്‌ സൈസ് ഫോട്ടോ ഉള്ളടക്കം ചെയ്തിരിക്കണം. പത്തനംതിട്ട ഓഫീസ് കേന്ദ്രീകരിച്ചായിരിക്കും ജോലി. നിലവിലുള്ള ഒഴിവുകള്‍ – 06. കൂടുതല്‍ വിവരങ്ങള്‍ക്ക് 94473 66263, 85471 98263, 0468 2333033 എന്നീ നമ്പരുകളില്‍ ബന്ധപ്പെടാം.
