റാന്നി : സ്വയം മണ്ണെണ്ണ ഒഴിച്ചു തീ കൊളുത്തിയ വയോധിക മരിച്ചു. പഴവങ്ങാടി ചെറുകുളഞ്ഞി സ്വദേശി ചിറതോട്ടിയ്ക്കല് ലക്ഷ്മികുട്ടിയമ്മ(69) ആണ് ഇന്നു വൈകിട്ട് 6.30യോടെ കോട്ടയം മെഡിക്കല് കോളേജില് ചികിത്സയിലിരിക്കെ മരിച്ചത്. ഇന്നു ഉച്ചകഴിഞ്ഞു മൂന്നേകാലോടെ വീടിനുള്ളില് വെച്ചാണ് സംഭവം. ആ സമയം വീട്ടില് മറ്റാരും ഇല്ലായിരുന്നു. പുക ഉയരുന്നതു കണ്ടു ഓടി കൂടിയ നാട്ടുകാര് റാന്നി താലൂക്കാശുപത്രിയിലും പിന്നീട് കോട്ടയം മെഡിക്കല് കോളേജ് ആശുപത്രിയിലും എത്തിക്കുകയായിരുന്നു.
