തിരുവല്ല : കുടുംബശ്രീയുടെ നേതൃത്വത്തിൽ തിരുവല്ല നഗരസഭാ വളപ്പിൽ നാടൻ ഉൽപ്പന്നങ്ങളുടെ വിപണന മേള ആരംഭിച്ചു. തിരുവല്ല നഗരസഭയിലെ കുടുംബശ്രീ വെസ്റ്റ് സി.ഡി.എസിന്റെ നേതൃത്വത്തിൽ ഇന്ന് രാവിലെ 11 മണിക്ക് ആരംഭിച്ച മേളയുടെ ഉദ്ഘാടനം നഗരസഭാ ചെയർ പേഴ്സൺ ബിന്ദു ജയകുമാർ നിർവഹിച്ചു. നഗരസഭാ വൈസ് ചെയർമാൻ ഫിലിപ്പ് ജോർജ് ആദ്യ വിൽപ്പന നിർവഹിച്ചു.
കൗൺസിലറന്മായ മാത്യു ചാക്കോ , ജോസ് പഴയിടം, പ്രദീപ് മാമ്മൻ മാത്യു, ശ്രീനിവാസ് പുറയാറ്റ്, സജി മാത്യു, ജിജി വട്ടശ്ശേരിൽ, ശോഭ വിനു, ഇന്ദു ചന്ദ്രൻ , ബിന്ദു പ്രകാശ്, നഗരസഭാ സെക്രട്ടറി വി.പി ഷിബു , ഹെൽത്ത് സൂപ്പർവൈസർ സമിൽ ബാബു, അസി. ജില്ലാ മിഷൻ കോ – ഓർഡിനേറ്റർ ഷീല , സി.ഡി.എസ് ചെയർ പേഴ്സൺ ഇന്ദിരാ ഭായ് തുടങ്ങിയവർ പ്രസംഗിച്ചു. നാടൻ പലഹാരങ്ങൾ, അച്ചാറുകൾ, കറിപ്പൊടികൾ, ധാന്യപ്പൊടികൾ, പായസം, നാടൻ പച്ചക്കറികൾ, തുണിത്തരങ്ങൾ, സോപ്പ് ഉൽപ്പന്നങ്ങൾ, വിവിധ തരം ലോഷനുകൾ തുടങ്ങിയവ മേളയിൽ ലഭ്യമാണ്. മേള 12 ന് അവസാനിക്കും
