കോഴഞ്ചേരി: പെയിറ്റിംങ് തൊഴിലാളി പാറക്കുളത്തിൽ വീണു മരിച്ചു.
വല്ലന കുറിച്ചിമുട്ടം തെക്കേ ചരുവിൽ പുന്നക്കുഴി കണ്ടമോടിയിൽ വാടകയ്ക്ക് താമസിക്കുന്ന വർഗീസ് ചാക്കോ (60) ആണ് പാറക്കുഴിയിൽ വീണ് മരിച്ചത്. ജോലി കഴിഞ്ഞ് ഇന്നലെ രാത്രിയിൽ കുളത്തിനരികിലൂടെ ബന്ധു വീട്ടിലേക്ക് പോകും വഴി കാൽ തെറ്റി കുളത്തിൽ വീണതാകാമെന്ന് സംശയിക്കുന്നതായി ആറന്മുള പോലീസ് പറഞ്ഞു.സ്കൂട്ടർ റോഡരികിൽ നിർത്തിയ ശേഷം നടന്നു പോകുകയായിരുന്നു. ശബ്ദം കേട്ട് ഓടികൂടിയ ആൾക്കാർ അറിയിച്ചതനുസരിച്ച് പോലീസും ഫയർഫോഴ്സും നാട്ടുകാരും ചേർന്ന് നടത്തിയ തിരച്ചിലിൽ മൃതദേഹം കണ്ടെടുത്തു. കോട്ടയിലെ പെയിന്റിങ് തൊഴിലാളിയായിരുന്നു. സംസ്കാരം നടത്തി. ഭാര്യ: വിജയമ്മ.
