തിരുവനന്തപുരം: നടന് ടൊവിനോയെ ഇന്സ്റ്റഗ്രാമിലൂടെ അപകീര്ത്തിപ്പെടുത്താന് ശ്രമിച്ചെന്ന പരാതിയില് കൊല്ലം സ്വദേശിയുടെ ഫോണ് പോലീസ് കസ്റ്റഡിയിലെടുത്തു. ഫോണിലെ വിവരങ്ങള് വിശദമായി പരിശോധിച്ച് വരികയാണെന്നും പോലീസ് അറിയിച്ചു. സൈബര് പോലീസിന്റെ സഹായത്തോടെ ഇന്സ്റ്റഗ്രാം അക്കൗണ്ടിലെ വിവരങ്ങള് നേരത്തെ പോലീസ് ശേഖരിച്ചിരുന്നു. മൊബൈല് ഫോണിന്റെ ഉടമയേയും ചോദ്യം ചെയ്തേക്കുമെന്നാണ് വിവരം.
തന്റെ സോഷ്യല് മീഡിയ അക്കൗണ്ടില് വന്ന് പതിവായി അധിക്ഷേപിക്കുകയും അപകീര്ത്തിപ്പെടുത്തുകയും ചെയ്യുന്ന ഉപയോക്താവിനെതിരെ താരം കഴിഞ്ഞ ദിവസം പരാതി നല്കിയിരുന്നു. കൊച്ചി സിറ്റി പോലീസ് കമ്മീഷണര്ക്കാണ് പരാതി നല്കിയത്. പരാതിയ്ക്ക് ആസ്പദമായ ലിങ്കും നല്കിരുന്നു. എറണാകുളം പോലീസിനാണ് അന്വേഷണ ചുമതല.
